منتدى قصة الإسلام

منتدى قصة الإسلام (http://forum.islamstory.com/)
-   ترفيه ومسابقات (http://forum.islamstory.com/f69.html)
-   -   رد "" هي .......... وهو "" (http://forum.islamstory.com/10587-%D1%CF-%E5%ED-%E6%E5%E6.html)

احمد الراجي 26-03-2010 10:07 AM

رد "" هي .......... وهو ""
 
بداية أشكر الاخت الفاضلة جويرية على مشاركتها الجميلة الرائعة والتي إقتبست منها هذا الرد على غرار مشاركتها ، وفعلا تعاني " هــــــــــي " ما ذكرت أختنا جويرية وأكثر ولكن قد يحدث العكس وتكون المعاناه من نصيبه " هــــو "
هـــــــــي و هـــــــــــــو

هـــــــــي


تضع مولودها بعملية قيصرية، وتتعب كل اللي حواليها وممكن تقعد شهور تتدلع على قفى أمها أو حماتها تألف في عمل الأكل وتخترع وتبوظ وسايبه عيالها في الشارع أو مع أولاد الجيران ، ودايما تحرجه قدام أهله بنفسها السيئ في كل عزومة .

هـــــــــو


بيشتغل ويتعب ويدفع أجرة الدكتور ، ويتحمل دلعها ويتحمل تذمرها من المعيشه ويتحمل طلباتها ، ويبقى لسه داخل البيت تقوله هات كذك وكذا ، ويروح ولما يرجع تقوله إنزل تاني نسيت أقولك على كذا وكذا ، .............. وهكــــــــــذاااااااااااااااااا

هـــــــــي


دايما سكرانه قدام التليفيزيون كام برنامج على 15 مسلسل على 10 أفلام ، ولا بتفكر تثقف نفسها بكتاب ولا حتى مجلة ، ودايما بتنسى الأكل يشيط ، ولا بتذاكر لأولادها ولا هي هنا أساسا ً ! ! ! ! ، ولو اختها متخانقه مع زوجها تولها وتشعللها ، وسايبه بنتها المراهقة تلبس اللي هي عوازه تبقى الام لابسه خمار أو نقاب وبنتها غاية في السفور وبتتصرف براحتها قوي قوي ! ! ! !
وطبعا ما فيش تركيز لا في سياسة ولا في حال البلد .

هـــــــــو


مركز في شغله ، وبيحاول يحل مشاكله مع المدير الرزل ، وكمان بيساعد زملائه في حل مشاكلهم ، وبقول رأيه في الإنتخابات ، ويحاول دايما حل المعادلة الصعبة ( أمي وزوجتي ) كيف أكسبهما ؟؟

هـــــــــي



لو بتتشتغل بترجع تنام وما تعملش حاجة بحجة الإرهاق ، وما تفكرش في حاجة غير إزاي تحقق مع زوجها لما يرجع وإزاي تنكــــــــد عليه

هـــــــــو


ما إنه بيصحى بدري علشان شغله لكن مركز قوي في شغله ولما بيرجع بيركز في كل طلبات البيت ............وبياخد العيال يكشف عليهم ويتابع مع دكتور الجلدية شويه والاسنان شويه ، ويجيب التموين و ................. ويدخل البيت بكل إبتسامه يحضن مراته وأولاده .

هـــــــــي


تضع رأسها المثقل برائحة البصل والثوم على المخدة اللي نسيت تغسل الكيس بتاعها ، وسايبه البيت كله مكركب ، ولا تنام قبل متابعة مسلسل الساعة 12 . وتنام وتحلم بالأحداث والحلقات والتساؤلات ؟؟؟؟؟؟؟؟؟؟ إيه اللي ممكن يحصل في الحلقة الأخيرة ؟؟؟؟؟؟؟؟؟؟
ولو فاضيه شويه تقعد تتسلى مع جارتها ويقطعوا في فروة كل اللي يعرفوه . ! ! ! ! ! ! !
وطبعا ما تفتكرش ها تطبخ إيه غير قبل ماجزها يجيي بخمس دقايق أو بعد ما ييجي علشان يتعلم الصبر ................

هـــــــــو


يدوب رأسه تصل للمخده ولسه هيرتاح من عناء اليوم إلا وتبدأ التحقيقات والأسئلة والشكاوي ، امك عملت ، اختك سوت ، ليه إتأخرت ، امبارح كنت بتبص من الشباك أكيد على فلانه .......... طيب إيه اللي بينك وبينها ................... والله مسكيـــــــــــــــــــــــن

هـــــــــي



بتدراي خيبتها في الأكل وكسلها بالرجيم والاكل الصحي ، وما تفتكرش تبقى جميله وتتذوق إلا وهي خارجه ، لكن في البيت أجارك الله ........عبايات غريبة وقماشه على شعرها المنكوش ( ممكن تكون طرحة ) وروائح تصلح أسلحة كيماوية و .............

هـــــــــو



مغلـــــــــــــــــــــــوب على أمره ، بياكل الأكل اللي مش عاجبه علشان ما يموتش من الجوع
بيلع كلامها اللي زي الزلط وساعات طولة لسانها علشان ميقدرش على مصاريف جوازه تانيه أو لا قدر الله مصاريف الطلاق .
بيعيش حياته ويصبر نفسه بأن له الجنة ....................... أرجو ألا تغضب الأخوات مني ولكن فعلا يحدث أكثر من ذلك و الأزواج والزوجات التعامل بما يرضي الله وأن يتقي الله كلا الطرفين كي يبنيان مجتمعا مسلما راقيا ، رزقنا الله وإيكم الزوجة والزوج الصالح ، والسعادة في الدنيا والآخرة .

راجية الجنة 26-03-2010 11:15 AM

رد: رد "" هي .......... وهو ""
 
هااا اهاهاااااااااا هاااااااا
مش للدرجة دى
حضرتك بالطريقة دى متثاقل على النساء :)
وللرجال نصيب ايضاً ياافندم

جزيتم خيراً

الحنين للذكريات الجميلة 27-03-2010 11:07 AM

رد: رد "" هي .......... وهو ""
 
حلوة
اقتباس:

تتدلع على قفى أمها دى
ههه:bigsmile::bigsmile::bigsmile:

يأخ أحمد حافظ على الكلمات شوية :v9v9net_019::v9v9net_019::v9v9net_084::v9v9net_08 4:

جزاكم الله خير...بس فعلاً بتاع أختنا جويرية كان شيق جداً

احمد الراجي 27-03-2010 12:55 PM

رد: رد "" هي .......... وهو ""
 
جزاكم الله خيرا إخوتي الكرام على الردود والمرور
وبالنسبة لتعليق الأخ الفاضل / الحنين للذكريات الجميلة ، أتفق معك في أن موضوع الأخت جويرية كان شيق جدا وكذلك وصفته في بداية كلامي ( مشاركتها الجميلة الرائعة ) ، وأعتذر بالنسبة ( تتدلع على قفى أمها دى ) ،،،،،،،، ممكن نخليها ( تدعي الفتور والتعب لكي توهم والدتها بأنها ضعيفة فتقوم الأم بالواجبات المنوط بالزوجة أساسا القيام بها ) ----هههههههههههاههههههههها
رجاء لا تغضب - أنا أمزح وفعلا سأأخذ بنصيحتكم - بوركت أخي الكريم


الساعة الآن 02:26 PM.

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.3.0 , Designed & TranZ By Almuhajir
جميع الحقوق محفوظة لمنتدى قصة الإسلام