منتدى قصة الإسلام

منتدى قصة الإسلام (http://forum.islamstory.com/)
-   ترفيه ومسابقات (http://forum.islamstory.com/f69.html)
-   -   رائعة الفانوس المصري..شعر (http://forum.islamstory.com/14437-%D1%C7%C6%DA%C9-%C7%E1%DD%C7%E4%E6%D3-%C7%E1%E3%D5%D1%ED-%D4%DA%D1.html)

!!!...emy 14-08-2010 05:59 AM

رائعة الفانوس المصري..شعر
 
فعلا و الله معاه حق فى كل كلمه
و اللى الفها ده واد جن




لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى ا لبرهان

*****************
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير

*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق

وأكلة كباب مشوى على السيخ مع عيالى فى شرم الشيخ

وأشرب فى القسم عصير بطيخ وأخرج سليم بدون تلطيخ

ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى

*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكو دروس إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس



منقووووول

الحنين للذكريات الجميلة 15-08-2010 07:07 AM

رد: رائعة الفانوس المصري..شعر
 
جزاك الله خير

من أشعار الحاج : أمين الديب دى ولا أيه ؟؟

!!!...emy 16-08-2010 08:43 AM

رد: رائعة الفانوس المصري..شعر
 
وجزاك اكثر..
مش عارفه والله بس مش هتفرق يعني ازا هوا ولا لأ!


الساعة الآن 09:42 AM.

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.3.0 , Designed & TranZ By Almuhajir
جميع الحقوق محفوظة لمنتدى قصة الإسلام