أختى الفاضلة
سؤال
هاعمل بيها ايه ؟
او .. هاستخدمها فى ايه ؟
صدقونى موش كل اللى بنتعلمه بنستخدمه ..
لكن كل اللى بنتعلمه ..
بنحتاج له
زمان الإسكندر لما كان امير مقدونيا ..
المربى بتاعه كان بيعلمه انه يمسك قطعه من الثلج فى ايديه و يقف بيها
ساعات لحد ما تدوب
و لما الإسكندر بقى ملك ..
استدعاه و هو بيقوله ..
انا موش فاهم ..
ليه ..
هو ده كان عقاب
قاله المربى ..
كل شئ بتتعلمه بتحتاج اليه فى يوم من الأيام
و دارت الأيام و خرج الإسكندر هو و جيشه فى حملته الى جبال الألب
و فى يوم اتجمدت الميه فى مساقى الجند
و اتجمدت ايدين الجند ..
الإسكندر قام يوتر أقواس الجند
( يضع الوتر فى القوس و يشده للاستخدام )
ما فيش حد عرف يستخدم ايديه من البرد
إلا الإسكندر ..
الجند افتكروه إله ..
وأما هو..
افتكر ساعتها المربى بتاعه
إخوانى ..
لا تحقرن من المعرفه شيئا" ..