بعد الصلاة على النبى ...والفتحة والفلق سلامتك من عين الحسود.... ومن شر ما خلق يا صابرة على حملها ..... واللى راح اهو جاى ياصامدة بطيبة شعبها .... ومكحلة بالضى يا ساجدة لعظمة ربها ... ومسبحه طول عمرها للحى يا أمنة ومؤمنه بربها والانبيــــــا فيكى الصلاح والتقوى بذرة زرعوها فيكى الاوليــــــــــا مهما قالوا عنك كلام ومهما حكموا الاغبـــــيــــــــــا جالك المسيح فى حضن امه هاربين من طواغيت الظلام نورت خطواته ارضك وبارك لك فى ناسك وعرضك والامن رفرف والسلام ومرت الايام وجالك ابن العاص ... قابلوه رجالك بالمحبة والقبول يا خير اجناد الارض زى ما قال الرسول الله على جيشك يا بلدى هزم التتار ...قهر المغول ولخط بارليف عبرنا صايمين وربك نصرنا بالحمد والتكبير وصلنا لنصر مالهوش مثيل وقامت الثورة المباركة بتبدد ظلام الليل وايدين شبابنا المشاركة هى القناديل والشهدا اللى لاقوا ربهم فى القلب ذكراهم وصر طول عمرها ما بتنسى اولادها وتصير حكاويهم مفخرة تتحكى جيل ورا جيل وخلى ثقتك يا مصرى فى بلدك وفى جنودك ثابتة فى القلب والرجوع عنها مستحيل وطالب بالحرية لنفسك ولاخوانك ولكن ما ترضاش بالفوضى ليها بديل واجل مصلحتك الشخصية وافعالك على اقوالك هتبقى هى الدليل واحفظ لسانك فى معاملتك لاخوانك لسانى عنوانى ان كنت بذىء او انسان مؤدب ومصرى شهم ونبيل