مهم : كيف ستقضى شم النسيم

[حنان]

مهم : كيف ستقضى شم النسيم

يوم الإثنين القادم مناسبة مهمة جدا بيسموها شم النسيم ، ومش عارفة أهميتها جت منين ( يعنى لم يرد ذكرها فى القرءان ولا فى السنة الشريفة ولا فعله أحد السلف الصالح ، لأ وفيه مصيبة تانية وهى إنها تتزامن مع عيد للنصارى وبناكل فيها فسيخ زيهم .... بقى ده كلام يصح


طبعا فيه ناس هاتقول ماتزوديهاش كدة وفيها إيه يعنى لو رحنا

الجناين وفكينا عن نفسنا شوية وريحنا من عناء الأشغال ، أقولهم

يعنى هوة ماحبكش إلا اليوم ده عشان نشارك النصارى فى عيدهم ،

هايقولوا ماهو يوم أجازة ( ماهو ده من ضمن خيبة أنظمتنا برضه إننا

ناخد أجازة فى يوم لاعلاقة له بالإسلام وآل إيه القرآن هو المشرع

الرئيسى فى الدستور ) ، أرد على الناس الطيبين دول وأقولهم مانتو

عندكم يوم الجمعة أجازة وعيد أسبوعى للمسلمين ، ليه ماتخرجوش

فيه وتتفسحو وتعملو كل اللى نفسكو فيه

وبعدين معظم شيوخنا الأفاضل قالوا إنه لايجوز تخصيص هذا اليوم

للإحتفال لأنه مش من الإسلام ، هاتقولو ماهو الشيخ فلان والشيخ

علان قالو يجوز ولاحرج ، ياحبايب قلبى ( والنداء هنا للأخوات فقط

عشان ماحدش يمسكهالى ) لما % 99 من العلماء يقولو لايجوز و

1% فقط يقولو يجوز نجرى ورا الأخير عشان على مزاجنا ( ده يبقى

إسمه هوى نفس ) وحبيب قلوبنا ( ويجوز لى أن أقولها للرسول صلى

الله عليه وسلم لأنه منا بمنزلة الوالد كما قال ) ، قال ( لن يؤمن

أحدكم حتى يكون هواه تبعا لما جئت به ) فلا يجوز لنا أن نتتبع رخص

العلماء لأن هذه زندقة ( وهذه التسمية ليست من عندى ولكن من

علمائنا )

طب والحل إيه نقضى اليوم ده إزاى ؟ أنا جت لى فكرة وقلت

لصديقاتى عليها وعجبتهم ويارب تعجبكم وتنفذوها ، عزمت صديقاتى

على الفطار ( وهم والحمد لله معتادين على صيام الإثنين والخميس )

ويوم شم النسيم دايما يوم إثنين ، وللأسف فيه ناس متعودين على

الصيام بس بيستثنو اليوم ده ومابيصوموش عشان يحتفلو بأكل

الفسيخ يعنى بيتعاملو معاه كإنه عيد الفطر أو الأضحى المحرم الصيام

فيهما ، لأ بقى إحنا عايزين حتى اللى مش متعود يصوم ، يصوم

اليوم ده بنية مخالفة النصارى ويعزم أصدقاؤه فى البيت أى عزومة

بسيطة كدة وياخد أجر إفطارهم ويقعدو مع بعض يتبسطو وانتو

عارفين لمة الأصدقاء بتبقى جميلة إزاى ( النساء مع النساء والرجال

مع الرجال ، أه مش عايزين نصلح حاجه ونفسد حاجة تانية ) وأهم

حاجة إن اليوم يبقى فى البيت عشان برضة يبقى فيه مخالفة

( وكإنه إضراب عن شم النسيم ) ، واليوم يعدى ومانبقاش أغضبنا ربنا

وفرحنا وهيصنا ، ونبقى بنميت بدعة وبنحيى سنة ( زى عمر بن عبد

العزيز ) ، هاتقولو دى خرفت بقى واحنا إيش وصلنا لعمر بن عبد العزيز

، ياسيدى آدى احنا بنقلد الصالحين عشان ربنا يحشرنا معاهم ( ومن

تشبه بقوم فهو منهم ) ، يلا بالله عليكم ، كل واحد يقول للى يعرفه ،

خلينا إيجابيين ، يمكن ربنا يرضى عنا بالعمل البسيط ده ( ده احنا يوم

القيامة هنبقى ف عرض حسنة ) ، اللهم استرنا ولا تفضحنا يارب ،

باقولكو إيه أنا سهرانة كل ده وماهانش عليا أنام إلا لما أوصلكو

الفكرة ، آه ماهو ماحدش ضامن عمره ، فأرجوكم تفاعلو مع الفكرة

وفرحو ربنا وفرحو النبى صلى الله عليه وسلم ، وتصبحو على خير

والسلام عليكم ورحمة الله .

---

lil : ;dt sjrqn al hgksdl lig çgkQdl Qê‏An ;d‎

[حنان]

معلش ، نسيت أقول حاجة ، ياريت اللى يعمل بالنصيحة يبقى يقولى قضى اليوم إزاى ، وأنا واثقة إن ربنا هيفرحكم طالما رضيتوه ، وجزاكم الله خيرا .

[ألب أرسلان]

[align=center]فكرة طيبة فكرة الصيام أختنا
وبالنسبة لى سأقضى هذا اليوم كباقى الأيام
ما بين العمل والكمبيوتر
جزاكِ الله خيرا على هذا الموضوع المهم
بارك الله فيكِ أختنا ......[/align]

[حنان]

جزاك الله خيرا ( ألب أرسلان ) وشكرا على التفاعل .