الناس بتاكل طول الوقت لبس ترمس بطاطا وتدخن علطول وتتخانق لأقل سبب وعلى اخر الليل يبلبعوا اقراص علشان يناموا يتخامدوا ويصحوا فى نفس الدوامة .. شيء مش طبيعي حياه مفتعله حياه معلبه
قطعآ الناس دول مش عايشين كل واحد قافل على نفسه عايش لواحده متربس عليه بابه مش عاوز يفتح لحد انانيه داخليه مطلقه وفرديه وعزله وساوس وقلق وانتحار بطيء !
كان نفسي ااقول له ليه ..ليه بتعمل كده ؟ الحياه لسه حلوة .
قعده جميله على النيل فى النسمه اللطيفه مع اهل المودة والمحبه
حته مزيكا كتاب لقمه مع اولادك لحظة خشوع مع الله تنسي فيها كل شىء وتطرحه ورا ضهرك وانت بتقول الله اكبر من كل شىء ..
المتع البريئه متاحه واحسن الف مرة من اللذات الغليظه المهلكه وايضا الاستنزاف الممرض
كان نفسي ااقول له قوم اتحرك اعمل اى حاجه قدم خدمه لأى حد انجد مسكين . روح لأى قسم المجاريح فى اى مستشفى وقدم لهم بوبون
خد بايد واحد اعمى عديه الشارع ازرع شجرة .. اعمل اى شىء مفيد
السيجارة مش هتحل مشاكلك انما هيا هتهد الجدار الباقى اللى مستخبي فيه جسمك ,
هتملى جسمك هباب مفيش حته بيمر فيها الدخان الا ويضرها بدأ من الشفاتين واللسان والحنجرة
وتصبح الصبح تقعد تكح وتطلع البلغم علشان تتطلع القرف اللى شربته امبارح
دا غير اضطارب الهضم بسبب اختلال افراز الحامض فى المعده
وغير تصلب الشرايين والذبح وغير الكسل الغددى والكسل الكبدى
والجلده والسكر والضغط وتسمم الاعصاب
ليه دا كله انت عاوز تموت طيب يااخى موت موته حلوة روح حارب مع المجاهدين فى فلسطين والا افغانستان وموت هناك
اتبرع بدمك للمنكوبين يبقي اسمه شجاعه كده وطهاره
خوفت ااقول له يشتمنى يهزقنى يقول لى انت مالك يااخى
يتبع بأمر الله