مش موضوع بقدر ما هو فضفضة بيني وبين نفسي
تدور حول اغرب شهر في حياتي بسبب الاحداث الي حصلت فيه وكل ما اتذكرها اضحك كتير.........
اولها :تغير موعد الامتحانات وتقديمها مما يعني تغير خطة وجدول المذاكرة والارتباك والضغط طبعا.
ثانيا: ضياع الموبايل او سرقته بمعني اصح . ودي صورة الفقيد
ثالثا:واحد طلب فكة مئة جنيه وكان شكلم محتاج الفكة ضروري وبصراحة كان معايا ففكتله الميه جنيه ومعرفوش واكتشفت بعد ذلك انها مظورة او مزيفة"منه لله".
رابعا : ودي الكارثة فعلا .
من عاداتي قبل الامتحانات اضع لنفسي تقديرات المواد قبل ما امتحنها وكنت واضع لنفسي تقدير امتياز كتقدير عام ان شاء الله لكن حدث ما لم اتوقعه :
وانا بمتحن اسهل مادة ومذاكرها كويس جدا لكني قرات السؤال وفهمته علي انه سؤال اخر ومضيت في الحل حتي مر من زمن الامتحان ساعة ثم اكتشفت خطأي ولكن بعد فوات الاوان اضطررت الي الاجابة باختصار في الامتحان علشان الوقت طبعا واظن ذلك يؤثر علي التقدير "وربنا يستر"
عندما افكر في الاربع مع ضغوط الامتحان وارهاق العمل ايضا اظنها صعبة لكن اجد نفسي ابتسم ابتسامة خفيفة واشعر بارتياح ايضا .
والحمد لله علي كل حال ونعوذ بالله من حال ال النار .
نسالكم الدعاء