المساعد الشخصي الرقمي

مشاهدة النسخة كاملة : عيدكم مبارك .......................


نبيل القيسي
23-05-2020, 09:04 AM
كل سنة و أنتوا طيبين في العيد لازم نعرف أن في عبادة اسمها عبادة الفرحة افرح و فرح غيرك فرح زوجتك ، فرحي زوجك فرح والدك ووالدتك، فرح أهلك و ولادك واجبنا في العيد افرح من غير معاصي اوعى تشارك في المعاصي والمنكرات اللي بتحصل في العيد اوعى تهد اللي بنيته في رمضان اوعى تضيع اللي ربنا رزقك بيه ربنا بيقول : {ولَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا} هو ده اللي ناس كتير جداً بتعمله ليلة العيد اللي يشوف منظر أمة محمد في العشر ويشوفهم ليلة العيد يقول الأمة دي عندها شيزوفرنيا في عبادتها و إيمانها الفارق بين الاتنين فارق جبار الناس اللي كانت بتعيط في التهجد في العشر الأواخر للأسف أحوالهم- إلا منرحم الله- بتبقى بعيدة عن الدين تماماً في العيد الاستمرار على ورد القرآن و القيام من أول الليلة اوعى تقطع الورد اللي بينك و بين ربنا سبحانه وتعالى مش عايزين نكون خرجنا من رمضان بشوية دموع عايزين نخرج من رمضان بهمة حقيقية وثبات على الطاعة صلة الرحم والمجاهدة في وصل الأرحام بقالك سنين مسألتش عن قرايبك؟ جاهد و اوصلهم كلهم في العيد الدعوة إلى الله اوعى تشوف المنكر وتسكت مينفعش تشوف ربنا يُعصى و تسكت لازم تنكر المنكر و تدعو إلى الله حازم شومان تابع

:bubu:

اشرقت عادل
18-01-2021, 03:32 AM
شكرا لك علي هذا الموضوع