المساعد الشخصي الرقمي

مشاهدة النسخة كاملة : لماذا تحكمون على اللواط


غ.قربان
19-08-2011, 03:28 PM
بسم الله الرحمن الرحيم
السلام عليكم ورحمة الله وبركاته
انا ولد مسلم عايش في السعودية اهلي دكاترة وناس محترمة عندي 3 اخوان اكبر مني متزوجين وعندهم عيال عيلة طبيعية صح؟من لمن كنت في التمهيدي كنت اعرف اني غريب عن الباقين فالولد الطبيعي يحب انه يلعب بالسيارات وألعاب باتمان و سبايدرمان بس انا كنت احب العب بالعرايس مع البنات وكنت دايما انضرب عشاني غريب.لمن سار عمري12 سنة اكتشفت اني معجب بولد على التلفزيون بس اخواني و الاولاد في المدرسة كانوا معجبين بزوجته فاستغربت من هدا الشي و دورت في الانترنت عنه واكشفت اني لوطي.طبعا بعد ما عرفتوا هدا الشي كرهتوني صح؟بس بدي اسئلكم سؤال قبل لا أكمل:انتوا على اي اساس كرهتوني؟انتوا تعرفوني؟الجواب طبعا لا بس لساعكم كرهتوني عشان ربي ابتلاني صح؟خلوني اكمل:صار عمري 14 سنة لمن بدأ احباطي فكانوا الناس كلهم يكرهوا امثالي عشاني "غير طبيعي"بس هم ما يعرفوا انهم يكرهوني عشاني ما قلت لاحد بعدين بدأت اقرأ كلام غبي انو اللواط شي اختياري من جدكم؟!! بالعقل من بالله يختار انه يكون غير طبيعي؟من بالله يختار انوا الناس تكرهه بس عشانه مختلف؟انتوا دحين بتكرهوني مع انكم عمركم ما شفتوني انتوا ما تعرفوا العذاب اللي انا فيه صح اني معجب بالرجال بس عمري ما حأعمل اللواط لاني اخاف الله و اخاف من العذاب انا كل يوم ابكي و ادعو الله انه يخليني طبيعي و طبعا الله هو الحاكم هو الي حيحكم عليا مو انتوا ترى انتوا تحسبوا اننا مو موجودين بس احنا موجودين في كل مكان بس ما قلنالكم ولمعلوماتكم التحرش بالاطفال ليس لواط بل هو بيدوفايلييا و 95% منهم يعجبون بالنساء انا دحين عمري 16 سنة و عمري ما حأعجب بحرمة لان الله خلقني لوطي ابتلاء لي ولا تقولوا انه للواط علاج فكل من يقول انه شفي من اللواط كذاب بس وقف هذا العمل لانه يخاف الله فأنا دحين قاعد ابكي و انا بأكتب هدا الكلام و طلبي الوحيد هو انكم ما تحكموا علينا لانكم بشر زينا فالله يرضى عليكم انشروا هذا الموضوع عشان كل لوطي خايف من الله يعرف انه ماهو الوحيد و السلام عليكم و رحمة الله وبركاته

غ.قربان
19-08-2011, 04:33 PM
ماهي افكار حطيتها في مخي صدقني مهما حاولت اني اكون مع بنت ما قدرت تقدر تحاول تكون مع ولد؟طبعا لا وطبعا زي ما قلت الزنا و السدومية تسبب امراض و هدا سبب تحريمها انا اختار اني ما افعل السدومية خوفا و حبا لله بس ما اقدر اختار اني اعجب بالنساء وحتى لو تزوجت حرمة حيكون شي قاسي مني تجاهها فحاكون كأني بخونها و طبعا كدا حأظلم وحدة مسكينة مالها ذنب