سلامي ليك يابلال

[الشاعرلطفي أمين]

تحية تعظيم واجلال
مننا ..لصمودك يابلال
ياصامد ..... وصابر
وشايل....في الاحمال
...........................
صوره ليك في الخيال
مرسومه.......جوايا
بأهجرها..... بعمايا
صورة..... لخيرالرجال
سلامي......ليك يابلال
...........................
مربوط في عز الصيف
وعلي قلبك الحجر
متحمل ازاي ....وكيف
السيد اللي فجر
بيحلف ويضرب ضعيف
ما هسيبه الاان كفر
......ولسانك انت مازال
أحد...أحد..........يابلال
..............................
السوط...معلم في ظهرك
وحجر من صخرفوق صدرك
والصبر للجنه.....مهرك
لاحر بيشوي هد عزمك
ولاخوف من الموت قهرك
ولو نطق الحجر كان قال
أنا......بأشهد ليك يابلال
...............................
صابر علي الألم وشدته
وجبروت الظالم وقسوته
وصمود الملايكه باركته
لامستني من بشرينصرك
ولا بتسأل غير ربك رحمته
ماقصدت غيره بالسؤال
يأبوركعتين .......يابلال
..............................
طالع هتأذن..........وتكبر
وقفت ...بتبكي ....ومتحير
والدمعه..بتحكي... وبتعبر
داحبيبي محمد....ودعني
وعلي الدنيا لوحدي مش
هأقدر......................
يامرارة الدنيا..... يابلال
والحزن في القلب جبال
...............................
دموعك لؤلؤ في عيونك
وبكاك الشاهد... لحنينك
امتي هتتقابل.. برسولك
والجنه بتتهيأ لوصولك
وتتحرر من كل الاغلال
ياصبور الامه ...يابلال
.............................
زوجتك وخايفه من الغربه
وتقول يابلال انت في كربه
بتسكت فيها........ بمحبه
وتقول دانوره بيلالي.....
في الرؤيا معايا ونادي لي
ورؤية وجهه ....بتحلالي
وغدا....... سألقي الاحبه
محمد ومعاه كل الصحبه
وألمي من جسمي أهوزال
تحية تعظيم .......واجلال
ياحجة علي الامه يابلال

[فوزية محمد]

سلم الله قلمك أستاذنا الكريم..

وفي انتظار نبض جديد...