المساعد الشخصي الرقمي

مشاهدة النسخة كاملة : إنـتـخـبـوووونـى


منى موسى
12-04-2012, 01:33 PM
51619977
53276750
أيوه العنوان مظبوط أنا برشح نفسى للرئاسة إيه الغريب فى كده ماهو كله دلوقت بيرشح نفسه من الغفير للوزير يعنى هى جت علىَّ ولا علشان أنا إنسان بسيط طيب الأول إسمعوا برنامجى الإنتخابى قبل ماتقولوا إنى مجنون
أنا هاخلى حياتكم كلها سعادة وسرور ومافيش لاحزن ولا غم ولا شيلان هموم
البطالة دى قولها بايبااى والفقر هايبقى من العصر اللى فاات ومافيش لا عيش حاف ولا طااابور جااز خلاص بقى هاتاكل جاتووه وتركب شيفورليه والعشش ماعادشى هايبقالها وجود لأنك خلاص هاتبقى من سكان القصور
وبالنسبة للتعليم فاأنا بطمن الطلاب هاتنجح هاتنجح حتى لو مافتحتش كتاب والمدارس مش مشكلة طالما هايكون فى بيتك أستاذ على النت بيوصلك مانا هاعطيك جهازلابتوب آخر موديل لجل ماتحقق إنجاز وتزرع مزرعتك وتغيظ الملاك
والصحة مش ناسيها طبعا مافيش أمراض لأنى هاقضى عليها وأحاربها بالمبيدات
وأهم حاجه طبعا أنا مش ناسيها وهى زواج الشباب ومحو العنوسة واللى نفسها تخلف وفيه مشكلة فيها هايكون عندها دستة مشكلة من الولاد تغيظ بيهم أعاديها وكل الجيران
شفتم بقى إزاى أنا هاخليلكم البحر طحينة علشان بس ترضوا عنى وتوافقوا على ترشيحى
وعلشان تضمنوا كلامى هاديكم ضمان بعد أربع سنين حاسبونى على الإنجاز وأنا أضمنلكم إنى هاكون خلصت على الأموال وحولتها بحالها لسويسرا رمز الحرية والإدخار ومش هاتلاقونى ولا حد من ولادى موجودلأنى هاكون هاجرت ومعايا كل عائلتى وبالجنسية الأمريكية هانكون فى حمى من مجالسكم
نفسى بجد قبل ماموت اتوظف فى وظيفة حكومية ساعدونى وإنتخبونى ربنا يخليكا أنا منكم وحاسس أنابيكم وأنا الوحيد اللى هاينقذكم ويحقق أمانيكم
53276799 53276835