المساعد الشخصي الرقمي

مشاهدة النسخة كاملة : يا مواهبك يا مصر ,,, إدخل وصدقنى لن تندم


الحنين للذكريات الجميلة
25-08-2009, 02:59 PM
بسم الله الرحمن الرحيم

السلام عليكم إخوانى

ما رأيكم فى هذا الموضوع ,, رأيته فى أحد المنتديات فأعجبنى ,, والحمد لله أنا مش من القاهرة وما أنزلها إلا لضرورة قصوى ,,

إلى الموضوع



http://up5.q8lots.net/uploads/images/q8lots-09c4f6cf8e.jpg (http://up5.q8lots.net/uploads/images/q8lots-09c4f6cf8e.jpg)

أتوبيسات مصر



مصر يا أخوانا مشهورة بالأهرامات وأبو الهول ، والقلعة .

ده بره ، لكن جوه فهيه مشهورة بينا إحنا يا معشر الموظفين بالأتوبيسات .

أتوبيسات في غاية النضافة ، وفي غاية الأحترام لآدمية المواطن ، الكراسي بتاعتها فل الفل ، والأرض نضيفة .

والكمسري خلوق ، والسواق مؤدب ومتمكن في السواقة بهدوء .
( بصراحة أنا لامست ذلك فعلا فى الغالب عندما أكون فى القاهرة أنا اللى بقولكم أنا الحنين )

لا الكمسري قليل الأدب وبيشتم فيك ، ولا السواق بيسوق زي المجنون .


بجد أنا بشفق علي الدول الأوربية التي حرمت من نعمة وجود أتوبيسات فيها زي أتوبيسات مصر .

وفي النهاية أحب أقول إني مبسوط جدا جدا بالمواصلات ، وبأنادي بتعميم تجربتنا الرائدة في الأتوبيس لجميع دول العالم ، وعلي رأسهم أمريكا ، خلينا نشمت شوية إحممم قصدي نفرح إننا قدرنا نخدم البشرية .


بالنسبة لأبناء الأقاليم أمثالى المعتادين على الانتقال من طرف محافظتهم للطرف الآخر فى مدة لا تتعدى الساعة، فركوب أتوبيس فى رحلة قصيرة داخل القاهرة هو بمثابة فيلم رعب..


لكن بعد شوية الواحد بيألفه ويتعود عليه ويدرك قيمته الكبيرة فى تشكيل ملامح شخصيته وصهر معدنه وصبه فى قالب يحمل عبارة «صنع فى مصر».. فرحلة واحدة من رحلات أحد الأتوبيسات الحكومية قادرة على أن تثرى جميع جوانب حياتك بلا استثناء..


فمن ناحية الجانب الغذائى، فعربيات السجق والكبدة الموجودة فى المحطة وبائعو الشيكولاتة واللبان داخل الأتوبيس يتيحون لك وجبة متكاملة العناصر الغذائية وبأسعار فى متناول الجميع..


فى الجانب الثقافى مدة الرحلة قد تغريك لإحضار كتاب أو جريدة وربما نزل عليك الوحى فألفت قصيدة أو قصة قصيرة أو رواية ملحمية من 3 أجزاء قد تتحول لفيلم سينمائى يؤلف ويمثل ويعرض وأنت لسه ما وصلتش المحطة بتاعتك..


أما الجانب الرياضى فبين رفع الأثقال إذا كنت من حاملى الشنط والتوازن على قدم واحدة والتعلق فى العارضة المعدنية سابحا فى الفضاء لعدم وجود مكان لقدميك على الأرض كل هذا يؤهلك لمسابقات ألعاب القوى والجمباز والدخول لموسوعة جينيز للأرقام القياسية.. ولا نغفل الجانب العاطفى اللى بتثريه الرحلة بعدة أشكال..



لو أنت محترف أتوبيسات قسم تحرش ياسعدك يا هناك، أما لو كنت أكثر رومانسية فممكن تكون شاهدا على قصة حب قد تكلل بالزواج ولو مشوارك طويل شوية ممكن تشهد ميلاد أول أطفال الزوجين وممكن قوى يسموه على اسمك (ما انت عشرة بقى من أول الخط وانت متابع الحوار بين الزوووووووملالالالا)... ( ودى والله أنا شفتها حقيقة كنت مروح بالليل وواحد جالس جمب الشباك وعمال ييتكلم برده ,, وعمال يقول عاوزين نتعرف ..وكلام من دا تخيلوا بقا الوضع دا ,, والله أنا صعب عليا الرصيد اللى ضايع فى الفاضى ,, يا ريته بيكلم خطيبته ,, ع الأقل الرصيد هيروح فى حاجة هينة شوية وإفتكرت د صفوت حجازى لما قال إن المصريين بيصرفوا كام مليارجنيه سنويا على الرغى - كما قالت الجريدة التى نقل منها الدكتور صفوت الخبر ,, وعجبى ,, كملوا المقال .. )


أما الجانب الصحى بقى فعندك من أول وصفات الركاب بغلى ورق الجوافة ولف صدرك بورق الجرايد.. لغاية خطة الوزارة الرشيدة فى تعويدك على استنشاق خليط غازات العادم اللى هيخليك منيع ضد أى حروب كيميائية ممكن تشن على البلاد فى المستقبل البعيد..


أما عن الجانب الدينى فرحلة الأتوبيس هتقويه عن طريق ختمك للمصحف فى الطريق (قراءة وحفظا وتجويدا) أو إخراج زكاتك للمتسولين أو التفكر فى حكمة الله اللى خلت الناس المبسوطين يبنولهم مطار أنفاق وإنت فوق الأرض تكح تراب..


ويا سلام بقى لو الأتوبيس شاور عقله ونط بيك من فوق كوبرى، كده بقيت شهيد يا عم وضمنت دنيا وآخرة.. والخلاصة هى: ممكن جدا الأتوبيس ما يوصلكش المكان المطلوب فى الميعاد المناسب.. لكن شوف التجربة نفسها بتفيد حياتك أد إيه؟.. ولكل هذه الأسباب فأنا أعلن رسميا الانضمام لرابطة محبى ركوب أتوبيسات القاهرة وهنيئا لنا بركوب الأتوبيسات وهنيئا لركوب الأتوبيسات بينا.



أيه رأيكم ,,, والله متأكد إنكم ع الأقل هتبتسموا


خلوا بالكوا لخبطتة الألوان دى مقصودة كى تتماشى مع الموضوع :1008::1008::1008:
:1004::1004::1004:

سلافة
25-08-2009, 03:13 PM
السلام عليكم
هههههههههههههه
بجد والله عندك حق يا (الحنين)
انا مرة رحت القاهرة
وكنت حاسة انى طلعت القمر مش لسه جوه مصر
وياسلام بقى لما تحبى تنزلى من الاتوبيس السواق ينزلك فى حتة تانية خالص بعد المكان اللى قولتيلوا عليه بيجيى كيلومتر وتبقى مطضرة ترجعى مشى واحلى حاجة ان الاتوبيس مبيوقفش
لازم تنطى وهو ماشى
دا انا كنت هتشل فى الشوية اللى قعدتهم فى القاهرة
موضوع جميل اوى

الحنين للذكريات الجميلة
25-08-2009, 03:18 PM
سلافة;31034 وياسلام بقى لما تحبى تنزلى من الاتوبيس السواق ينزلك فى حتة تانية



مش على ما يسمعك ههههههههه

أشكركم أختى ,, ربنا يعلى همتكم

الحنين للذكريات الجميلة
25-08-2009, 03:37 PM
بس ماكنش مكيف الظاهر كده والله اعلم الشباك كان فيه خرم


هههههههههههههههههه

:1012::1012:

dr.asmaa
25-08-2009, 03:41 PM
والله يوم ما بنزل القاهرة بيكون يوم كله معاناه

ومرة ركبت الاتوبيس و اجارك الله من اللى شوفته

ربنا يكون فى عون المصراويه

الحنين للذكريات الجميلة
25-08-2009, 03:49 PM
والله يوم ما بنزل القاهرة بيكون يوم كله معاناه

ومرة ركبت الاتوبيس و اجارك الله من اللى شوفته

ربنا يكون فى عون المصراويه


ممكن نقترح ع الحكومة تعمل خط سك حديد فى قلب القاهرة لتخفيف الضغط :d:d

أشكركم أختنا ع المرور

الحنين للذكريات الجميلة
25-08-2009, 03:50 PM
والله يوم ما بنزل القاهرة بيكون يوم كله معاناه

ومرة ركبت الاتوبيس و اجارك الله من اللى شوفته

ربنا يكون فى عون المصراويه


ممكن نقترح ع الحكومة تعمل خط سك حديد فى قلب القاهرة لتخفيف الضغط :d:d


أشكركم أختنا ع المرور

الاسدالحزين
25-08-2009, 04:06 PM
:1010: الحمد لله انا ما بركبش اوتوبيسات خالص لان شغلي قريب من سكني وبروح ماشي على رجليه ...الله يكون في العون:1004::1004::1004:

الحنين للذكريات الجميلة
25-08-2009, 04:18 PM
:1010: الحمد لله انا ما بركبش اوتوبيسات خالص لان شغلي قريب من سكني وبروح ماشي على رجليه ...الله يكون في العون:1004::1004::1004:




ربنا يقويك يا بطل

أشكركم ع المرور

مصطفى الديب
26-08-2009, 06:28 AM
جزاكم الله خيرا واضحك الله سنك
تصدق انا عمري ما رحت القاهرة دي او ممكن تقول عمري ما خرجت من المحافظة الي انا فيها ولم انتقل حتي بين مراكزها الا ثلاث مرات فقط .......

بنت البنا
26-08-2009, 09:31 AM
جزاكم الله خيرا واضحك الله سنك
تصدق انا عمري ما رحت القاهرة دي او ممكن تقول عمري ما خرجت من المحافظة الي انا فيها ولم انتقل حتي بين مراكزها الا ثلاث مرات فقط .......


والله كده احسن بدل التعب وفوران الدم

الحمد لله انا مش من القاهره

عصمة الدين
26-08-2009, 09:31 AM
الحقيقة انا ندمت بعد قراءتى للموضوع لانه يحمل سخرية عالية لاهل مصر واظن ان السخرية ليست من اداب الاسلام ,الى جانب ان هذا المنتدى من قوانينه عدم السخرية او الاستهزاء من احد او شئ كائنا من كان فيجب ان نتذكر قول الله تعالى(ياايها الذين امنوا لايسخر قوم من قوم عسى ان يكونوا خيرا منهم)صدق الله العظيم

الحنين للذكريات الجميلة
27-08-2009, 06:02 AM
جزاكم الله خيرا واضحك الله سنك
تصدق انا عمري ما رحت القاهرة دي او ممكن تقول عمري ما خرجت من المحافظة الي انا فيها ولم انتقل حتي بين مراكزها الا ثلاث مرات فقط .......


هو أنت عامل مقاطعة لبقية المحافظات إظاهر يأخ مصطفى :p:p

أشكرك حبيب قلبى ع المرور








والله كده احسن بدل التعب وفوران الدم

الحمد لله انا مش من القاهره




أشكرك أختى ,, معلوم معلوم حضرتك منين ( فكاهة أختى )



الحقيقة انا ندمت بعد قراءتى للموضوع لانه يحمل سخرية عالية لاهل مصر واظن ان السخرية ليست من اداب الاسلام ,الى جانب ان هذا المنتدى من قوانينه عدم السخرية او الاستهزاء من احد او شئ كائنا من كان فيجب ان نتذكر قول الله تعالى(ياايها الذين امنوا لايسخر قوم من قوم عسى ان يكونوا خيرا منهم)صدق الله العظيم



يأخت الكريمة

أولا أشكر مروركم الكريم على موضوعى

ثانيا أريد منكم أن تصلى على رسول الله

ثالثا أختى هذا ليس بسخرية من أحد وإحنا إذا كنا بنضحك بنضحك على مواقف مش على مسلمين

وبعدين أختى الكريمة قسم النكت ملىء بالنكت على عادات وتقاليد بعض الشعوب

ما تكبرى الموضوع أختى

كل عام أنتم بخير

ramevic
13-12-2009, 01:36 PM
هذا وصف لحال بائس لنا ليس سخرية

دنيا احمد
20-12-2009, 10:37 AM
هذا حال بلدنا
ربنا يرحمنا