أرجوكم لا تبخلوا بالنصيحه

[e-mysarah]

السلام عليكم أنا أخت جديده فى منتدى الأخوات ونفسى يكون لى صحبات على النت يهتموا لأمرى وأثق فيهم أنا إسمى ميسره واتخرجت من هندسه من 5سنين
طبعا مش دى المشكله المشكله إن ليه صاحبه كنت عرفتها فى الجامع وهى بتحفظ قرآن وطيبه بس فيها عيوب بتخلينى أزهق أولا دمغها ناشفه جدا مبتسمعش أى نصيحه ومعندهاش إستعداد تنزل على رغبة حد ودايما هى صح
والأهم اللى فعلا هيخلينى أطفش منها إنها حشريه جدا جدا يعنى لازم تعرف كل شئ عننا يعنى بيتنا مثلا ماما مرتبها أد إيه وبابا وإخواتى بيعملةا إيه وحصل إيه فى البيت وإشتريتوا إيه وليه وبكام ومنين ودايما تسأل وبتحرج من كتر إلحاحها وبقولها حتى أخوى مسافر تسأل معاه كام وهيعمل إيه
وأنا لمحتلها كذا مره ومفيش فايده وقلتلها بصراحه زعلت واتخانقت معايه وهى مش ممكن تتغير وأنا زهقت وكل اللى فى البيت بيقولولى سيبيها وأنا خايفه أظلمها
مش ممكن تتغير بقالى معاها أكتر من سنه مفيش فايده وبصراحه أنا ماأمنهاش على أسرارى لأنها بتقولى من غير مسألها أسرار صحبتها اللى قبلى
قوليلى أعمل إيه وإذاى أبعد عنها من غير ماأخاصمها ولا أقاطعها
أنا تعبت جدا وبقالى شهرين بفكر ليل مع نهار لأنها صحبتى الوحيده

[صوت الضمير]

السلام عليكم و رحمة الله و بركاته
أختي لا تبدأي بقطع العلاقة و لكن كوني أكثر حدودية و أقتضاب في أي حديث يتعلق بشأونك الأسرية و الشخصية ,و كوني مرحة و علي طبيعتك تماما في أي حديث آخر ,و ألمحي لها عندما تحدثك عن أسرار صاحبتها السابقة أن هذا قد يكون افشاء للسر و لا يجوز أن نفشي أسرار الناس و نحن نرجو من الله تعلم القرآن و تعليمة و أشعريها أنك ليس عليك منها شيء و لكن لا تحبي أن تتحدثي في شئونك الخاصة .

حاولي هذه الطريقة في التعامل و ان شاء الله تنجح.
ووفقك الله في حفظ القرآن و تقبل منك .
السلام عليكم و رحمة الله و بركاته

[e-mysarah]

السلام عليكم جزاكى الله خيرا أختى صوت الضمير أنا عارفه إن فى ناس ممكن تقلل من مشكلتى لكن المشكله الحقيقيه إنى كل ما أصاحب واحده لازم تحاول تفرض طبعها عليه وأنا مبخدش أى موقف مع حد وممكن أكون هطق ومبينش علشان مش عايزه مشاكل ومبحش شغل الخصام
دايما عندى مشاكل مع أى واحده أصاحبها لأن علاقاتى الإجتماعيه محدوده جدا ولحد مادخلت الجامعه تقريبا مليش صاحبه
أنا عارفه إنى مش ملاك بس فى صفات بجد لاتطاق
أنا متشكره جدا إن شاء الله ربنا هيحلها لأنى بجد زهقت وضميرى دايما بيعذبنى
إنا لله وإنا إليه راجعون اللهم أخلفنى خيرا منها

[صوت الحق]

السلام عليكم ورحمة الله وبركاتة اختى الفاضلة انا كمان زيك جديدة فى المنتدى دا وقليل جدا لما حد يرد عليا فى اي موضوع اكتبه او حتى اشارك فى بس لو ماعندكيش مانع ممكن نبقى صحاب
نصيحتى لكى اخيتى اولا ذكريها بحديث النبى صلى الله عليه وسلم "من حسن اسلام المرء تركه مالا يعنيه" وقول العلماء عن هذا الحديث انه يحمل خمس الدين ممكن ترجعى افضل فى كتاب جامع العلوم والحكم
ثانيا قوللها انك تحبى الخصوصية ولا تخبرى كل احد بما فى داخلك والشرع يكفلك هذا الحق
ثالثا ان ربنا شرع الاستئذان لان الناس مش كل حاجة يحبوا ان الناس تشفها عندهم او بمعنى ادق لحماية العورات والعورة هى كل شىء كره الانسان ان يطلع عليه الاخرون وفقنا الله واياكم الى ما يحب ويرضى ومتنسيش طلب الصداقة لو تحبى ويارب اكون افتك

[كريمة]

بامكانك تعتبريني اخت الك بس بنصحك تقومي انت بالنصيحة لها بانو مش ممكن تعرف كل شيئ عن حياتك لان هذا فضول المثل بيقول (من دخل فيما لا يعنيه سمع ما لا يرضيه)
هذا راي
و السلام

[e-mysarah]

ربنا يخليكم انا كنت يأست إن حد يرد عليه انا مبسوطه ان حد اهتم ورد والله بقالى كام يوم تعبانه ويائسه لكن الحمد لله ربنا يجعله خير

[صوت الحق]

حبيبتى لا تياسى ابدا فان اليسر مع العسر ومردتيش بالنسبة لطلب الصداقة اكون سعيدة اوى لو بقينا اخوات فى الله

[e-mysarah]

السلام عليكم انتوا فين ياجماعه المنتدى مبيفتحش بقاله كام يوم انا عملت طلب الصداقه من أسبوع باسم صوت الحق وكريمه
طبعا أتمنى تكونوا أصحابى بس بجد يعنى تسألوا على وتكلمونى وأنا مستعديه أديكوا الإيميل لو حد عايز يحفظ قرآن معايا
اللهم عاملنا بما انت اهله ولا تعاملنا بما نحن أهله إن لم نكن أهلا رحمتك فرحمتك أهل أن تصل إلينا

[أسيل]

بسم الله الرحمن الرحيم السلام عليكم
يا حبيبتي اللي في طبع مش بيعرف يغيروا بسهولة وهي أكيد عارفة ان هي فضولية وبعدين انتي مكنتيش طولتي معاها في صداقتك ليها مادام انتي عارفة عنها كدة وبعدين الحاجات اللي كانت بتحكيهالك عن صاحبتها كان المفروض تكوني حذرة اكتر وانتي بتتعاملي معاها وخصوصا انه من الواضح انك مبتحبيش حد يعرف عنك كل حاجة يعني بتحافظي علي خصوصيتك شوية ودي حاجة كويسة اوي
انتي عارفة انا عندي اصحاب بنسأل بعض في الحاجات دي عادي ومحدش بيزعل لان مش كل الناس زي بعضها وصاحبتك دي شكلها طيبة شوية في تصرفاتها فمش قادرة تفهمك متزعليش منها بس انتي المفروض تحلي مشكلتك
اما انك تحاولي تقللي من علاقتك بيها عشان متتضايقيش بس اوعي تقاطعيها عشان حرام
او انك ترضي بصحوبيتها كدة من غير تغيير لو هي فعلا كويسة ومناسبة انك تصاحبيها بس حاولي انك يعني تتأقلمي معاها وتتحملي شوية
بس في مشكلة انها مش بتحفظ الاسرار زي ما قولتي واعتقد انها بتفتقد شرط مهم من شروط الصديق الصالح فبجد لو هي فعلا كدة حاولي تكون علاقة خفيفة جدا وابحثي عن أخت في الله تعينك علي طاعة ربنا
وارجو اني أكون أفادتك وياريت تردي عليا وتقولي رايك في كلامي ولو في غلط قوليلي

[e-mysarah]

السلام عليكم شكرا أسيل عندك حق اللى فيه طبع مبيغيروش وهى فعلا طيبه قوى وعلى نيتها بس حشريه المشكله فعلا إنها ممكن تضرنى من غير ما تقصد
جزاكى الله خيرا وربنا ميوقعك فى ضيقه

[كريمة]

السلام عليكم اختي في الله انا اسفة على التاخير بس لظروف
انا مستعدة لاكون من الصاديقات لحفظ القران بس بدي ايميلك
و تجديد الوقت
وشكرا:1012:

[أسيل]

السلام عليكم شكرا أسيل عندك حق اللى فيه طبع مبيغيروش وهى فعلا طيبه قوى وعلى نيتها بس حشريه المشكله فعلا إنها ممكن تضرنى من غير ما تقصد
جزاكى الله خيرا وربنا ميوقعك فى ضيقه



وعليكي السلام ميسرة
اخبارك ايه يارب تكوني بخير وقدرتي تحلي مشكلتك
انتي كنتي بدوري علي اصحاب ياريت تعتبريني صديقة ليكي وممكن تبقي تراسليني علي الخاص وربنا يوفقك يارب وشكرا علي الدعوة الجميلة
:1012:

[e-mysarah]

السلام عليكم بصراحه يا جماعه إنتوا بتإسرونى بذوقكم والله إنى أحبكم فى الله وحاولت كتير أضيفكم فى قائمة الإتصال والصداقه ومش عارفه ومفيش رد قولولى أعمل إيه أبعت إيميلى فين ولا أعمل إيه

[حبيبة]

السلام عليكم ورحمة الله وبركاته
:v9v9net_041:
يا اختي الصديقات اللواتي يخفن الله تعالى هن قليلات واما سؤالها عن احوال أسرت ماذا تعمل وكيف وكيت فهذا لايجوز وكشف الاسرار معناه انعدام الأمانة

ويمكن أن تتعبريني صديقة لأنني اعاني من نفس المشكلة وهو الوحدة راسليني على الخاص
وجزاك الله خيرا

[e-mysarah]

السلام عليكم
أهلا بيكى أختى حبيبه ونفسى والله أكلمكم كلكم بس مش عارفه على الخاص إذاى ولا أعرف إيميلاتكم إزاى لوحد عارف يساعدنى

[بنت البنا]

السلام عليكم ورحمة الله وبركاته

انا مش هقول جديد لان كل الاخوات ربنا يبارك فيهم اكيد افدوكى

ميسره انا ممكن ابقى صحبتك ده اذا سمحتى

انى احبكم فى الله

[e-mysarah]

طبعا احنا اصحاب نورتى الموضوع
http://9or.cc/data/media/4/9or.cc%20-b-%20%28108%29.JPG