المساعد الشخصي الرقمي

مشاهدة النسخة كاملة : هو انت بتعمل كدة ليه؟؟؟


د نودة
16-10-2009, 12:10 PM
بسم الله الرحمن الرحيم
بتنام بدري ليه ؟؟
علشان تعبان و عايز تلحق شغلك بدري...و لا علشان تصحى لصلاة الليل و الفجر!!
بتاكل ليه؟؟
علشان جعان ...و لا علشان تتقوى على طاعة ربنا!!
مسمي ابنك عمر ليه؟؟
على اسم جده...و لا تيمنا بالفاروق رضي الله عنه!!
بتدي لصحبتك كشول المحاضرات ليه؟؟
علشان بتحبيها بس و علشان تقول عليكي طيبة بس...و لا علشان الله في عون العبد ما كان العبد في عون اخيه!!
بتسلف صاحبك فلوس في زنقته ليه؟؟
علشان يستجدعك في نفسه...و لا علشان من فرج عن مسلم كربه فرج الله عنه كربه من كربات يوم القيامة!!
روحتي لبنت خالتك و معاكي هدية ليه؟؟
علشان هيه جاتلك قبل كدة و معاها هدية ...و لا صلة رحم!!
بتتعب نفسك ف الشغل ليه؟؟
علشان المدير يقول انه ماعندوش غيرك و اجازات و علاوات و كدة...و لا علشان ان الله يحب اذا عمل احدكم عملا ان يتقنه!!
بتطحن نفسك في المذاكرة ليه؟؟
علشان تدخل الكلية اياها و الناس تقول الدكتو راح الدكتور جه...و لا علشان من سلك طريقا يلتمس فيه علما سهل الله له طريقا للجنة!!
زرتي صاحبتك العيانة ليه؟؟
علشان صعبت عليكي...و لا علشان من عاد مريضا خاض في الرحمة فاذا جلس استنقع بها!!
قولت لابنك ما تشربش سجاير ليه؟؟
علشان الناس ما تقولش عليه ولد تلفان...و لا علشان السجاير حرام شرعا!!
لبستي بنتك الحجاب ليه؟؟
علشان صاحباتها لبسوه...و لا علشان و ليضربن بخمرهن على جيوبهن!!
انت عايش اصلا ليه؟؟كدة و خلاص..و لا علشان ما خلقت الجن و الانس الا ليعبدون!!
حايتك اخي الفاضل
حياتك اختي في الله لازم تكون كلها لله من اول ما تصحى الصبح لحد ما تنام باليل
بسم الله الرحمن الرحيم
قل ان صلاتي و نسكي و محياي و مماتي لله رب العالمين
و لا تنسوني من صالح دعائكم

ام نواره
16-10-2009, 12:23 PM
تذكرة طيبة...
اللهم اجعلنا ممن يسمعون القول فيتبعون احسنه
جزاك الله خيرا

محبة غزة
16-10-2009, 02:04 PM
رووووعه يسلمو ياغاليه
احلى شي انه بالهجه المصريه الي بموت فيها وفي اهلها

ألب أرسلان
17-10-2009, 08:50 AM
نسأل الله أن يرزقنا وإياكم الإخلاص

موضوع أكثر من رائع ,, جعله الله فى ميزان حسناتكم

جزاكم الله كل خير ...

اسد الاقصى
17-10-2009, 09:22 AM
أسأل الله تعالى
أن يجعلك مِن مَن
صلاتهم ونسكهم ومحياهم ومماتهم لله رب العالمين
وجزاكِ الله خير الجزاء أختى الفاضله

:1012: