e-mysarah
31-12-2009, 07:10 AM
السلام عليكم
قصيده أعجبتنى لشاعر العاميه أحمد فؤاد نجم
مع تحفظى على شيعييته وغير ذلك من إعتقاداته إلا أنه مصرى وكثيرا ما يصيب القول باسم كل المصريين
أنا مصرى بن مصرى وليا الشرف
برغم المهانه برغم القرف
برغم الزباله اللى ماليه الشوارع
برغم الفساد اللى بيه اعترف
سمو معالى رئيس الوزاره
نتيجة موظف بسيط انحرف
برغم المجاعه اللى داخليين عليها
وفينا اللى عايش حياته فى ترف
برغم البطاله فى أوضه وصاله
برغم إن آخر جنيه انصرف
برغم طابور الصباح السخيف
وكل منايا يادوب كام رغيف
برغم أسايا لمنظر عشايا
وأقول مش مهم ياواد نام خفيف
برغم إنى شايف بلاوى وساكت
وعايش مطنش كأنى كفيف
برغم وزاره رئيسها حرامى
وشوفوا البجاحه يقولوا نظيف
برغم السلام اللى غرقت بناسها
برغم العيال اللى ساكنه الرصيف
برغم حكومه شعارها الكلام
ورغم رئيسنا عليه السلام
ورغم إن كله ياعالم بيغلى
إلا كرامتى بترخص قوام
برغم إنى عايش فى بلدى فريسه
ووجبه شهيه لبعض اللئام
برغم إن كل تاريخك يابلدى
فى عهد جنابه كلام فوق رخام
برغم ده كله يامصر بحبك
وطظ فيهم ودا آخر كلام
قصيده أعجبتنى لشاعر العاميه أحمد فؤاد نجم
مع تحفظى على شيعييته وغير ذلك من إعتقاداته إلا أنه مصرى وكثيرا ما يصيب القول باسم كل المصريين
أنا مصرى بن مصرى وليا الشرف
برغم المهانه برغم القرف
برغم الزباله اللى ماليه الشوارع
برغم الفساد اللى بيه اعترف
سمو معالى رئيس الوزاره
نتيجة موظف بسيط انحرف
برغم المجاعه اللى داخليين عليها
وفينا اللى عايش حياته فى ترف
برغم البطاله فى أوضه وصاله
برغم إن آخر جنيه انصرف
برغم طابور الصباح السخيف
وكل منايا يادوب كام رغيف
برغم أسايا لمنظر عشايا
وأقول مش مهم ياواد نام خفيف
برغم إنى شايف بلاوى وساكت
وعايش مطنش كأنى كفيف
برغم وزاره رئيسها حرامى
وشوفوا البجاحه يقولوا نظيف
برغم السلام اللى غرقت بناسها
برغم العيال اللى ساكنه الرصيف
برغم حكومه شعارها الكلام
ورغم رئيسنا عليه السلام
ورغم إن كله ياعالم بيغلى
إلا كرامتى بترخص قوام
برغم إنى عايش فى بلدى فريسه
ووجبه شهيه لبعض اللئام
برغم إن كل تاريخك يابلدى
فى عهد جنابه كلام فوق رخام
برغم ده كله يامصر بحبك
وطظ فيهم ودا آخر كلام