منتدى قصة الإسلام

منتدى قصة الإسلام (http://forum.islamstory.com//index.php)
-   ترفيه ومسابقات (http://forum.islamstory.com//forumdisplay.php?f=69)
-   -   يعنى ايه كوك زيرو.......؟؟؟؟؟ (http://forum.islamstory.com//showthread.php?t=10643)

عاسف المهرة 29-03-2010 06:02 AM

يعنى ايه كوك زيرو.......؟؟؟؟؟
 
يعني تترشح في الانتخابات عن فئة (العمال) وتنجح فتعيش عيشة (الملوك).

.. يعني تبقي جماعة محظورة بس ليها 80 نائبًا في البرلمان.

.. يعني أبوك ياخدلك كشك في مصر القديمة ويحصل هبوط في الأرض يبلعك إنت والكشك، فتنزل تلاقي كنز تحت الأرض.

.. يعني تعيش عيشة طب وتطلع تاجر.

.. يعني الفرق بين الزمالك والأهلي يوصل لـ 7 نقط وتسخن المنافسة بينهما.. والإسماعيلي يفوز بالدوري.

.. إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.

..إنك تجيب جون في نفسك والحكم يحسبه أوفسايد.

.. يعني يبقي عندك شركة روتانا وتشتري مطربين مصريين وتجمدهم، ولما الحكومة تسألك عن الأرض اللي اشتريتها في توشكي وجمدتها، تقول لهم هازرعها... أومال أنا كنت باشتري المطربين ليه؟

.. يعني شيخ الأزهر يموت وأول واحد ينعيه البابا شنودة.

.. يعني تقعد ليلة الامتحان في أي كافيه تلعب بلاي ستيشن والامتحان يتلغي علشان الأسئلة اتسربت.

.. يعني الريس يسافر برة علشان يعمل عملية في المرارة والسولار يختفي من البلد في نفس اللحظة علشان ماحدش يستغل الفرصة ويولع فيها.

..يعنى تنقل موضوع زى ده من جريدة الدستور وتلاقى عمر طاهر عضو فى الجروب ويطلع يقول انت ناقلها

بيسان 29-03-2010 03:00 PM

رد: يعنى ايه كوك زيرو.......؟؟؟؟؟
 
جزاكم الله كل خير
والله فعلا عندك حق نقل طيب ........:icon30:

زهره المدائن 31-03-2010 12:23 PM

رد: يعنى ايه كوك زيرو.......؟؟؟؟؟
 
موضوع رائع اضحك الله سنك
طيب بقى يعنى ايه برضو كوك زيرو


الساعة الآن 08:26 AM.

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.3.0 , Designed & TranZ By Almuhajir
جميع الحقوق محفوظة لمنتدى قصة الإسلام