ليه الزمن اتقلت بركته علشان.. إحنا مش كويسين.. ليه الراجل نزلت كرامته ..علشان جيوبه مفلسين.. ليه الجنيه اصبح رخيص ..علشان حكومة ناقصها خبرة.. ليه فيه فجوة بين البوليس ..علشان معاملة الشعب مرة ..ليه الرشاوى زاذ حدها.. مابقتش رشوة دى إكرامية! ..ومين الى غير اسمها.. إخوانا المشايخ و الفتوجيه.. ليه إحنا دايما متأخرين ..عن كل خلق رب العباد ...علشان إحنا مسلمين بس فى شهادة الميلاد .. ليه النهارده مافيش جواز .. عشان شبابنا نصه عاطل... و بيوتنا صبحت من قزاز.. علشان زواجنا عرفى فاشل.... الله يرحم أيام زمان ... أيام ما كان القلب ابيض ... لما كنا نشوف الجيران ... عيب عندهم نسكت نغمض .... دلوقتى ليه بنشوف فضايح ... فى الأهل أكتر من الجيران؟.... واللى جاى يقول للى رايح .... تعالى أجرى خدلك مكان !!