منتدى قصة الإسلام

منتدى قصة الإسلام (http://forum.islamstory.com//index.php)
-   معًـا نبني خير أمة (http://forum.islamstory.com//forumdisplay.php?f=100)
-   -   حصريا ولأول مرة على شبكة الإنترنت عاجبني فيك لون عنيكي (http://forum.islamstory.com//showthread.php?t=16987)

وردة111 27-11-2010 01:08 AM

رد: حصريا ولأول مرة على شبكة الإنترنت عاجبني فيك لون عنيكي
 
وروحت البيت سعيدة وزعلانة في نفس الوقت بس السعادة غلبت عليها لانها حست ان حد مهتم بيها بالذات من الجنس الاخر
ويااااا سلاااااااام عمالة تفتكر لما قعّدها جمبه و عمال يراقبها ويقدم مساعدته ليا انا بس وجه يقعد جمبي

وفي ظل السرحان العميق دا ...
ماما تنادي علي حبيبة قصدي علي فاطمة _ الوحشة _
ماما :يا فااااااااااااطمة
ماما : يااااااااااااااا فاطمة
ماما : يا بت فاااااااااطمة
ماما : ماتت دي ولا ايه ؟
فاطمة اخيرا فاقت : ايوة يا ماما
ماما : ايه يا بت انتي مش سامعاني كل دا ؟
فاطمة : انتي ناديتي قبل كدة ؟
ماما : اه يختي ناديت ميت مرة كنتي سرحانة ف ايه إن شاء الله ؟
فاطمة : http://www.jo1jo.com/vb/images/smilies/rolleyes.gif سرحانة ايه بس يا ماما http://www.jo1jo.com/vb/images/smilies/rolleyes.gif
ماما : وليه بقيتي تحطي روج وكحل وانتي راحة الكلية ؟
فاطمة : فين دا يا ماما دانا كنت حاطاهم من بالليل ودا اثرهم بس .
ماما : ماشي انا هعمل نفسي مصدقاكي بس بلاش الحاجات دي خالص ولا انتي عايزة تتعاكسي ؟
فاطمة ومش عاجبها الكلام : http://www.jo1jo.com/vb/images/smilies/cool.gif حاضر يا ماما





وفي اليوم الثاني



الاخ جاي بدري وحاجز للاخت فاطمة جمبه ومترقب باب المدرج اول ما تدخل يصطادها قصدي ينادي عليها و دخلت الفريسة قصدي فاطمة وبالفعل وقعت في المصيدة قصدي وافقت انها تقعد جمبه ولا حول ولا قوة إلا بالله ,

الشاب : اخبارك ايه النهاردة يا فاطمة ؟
فاطمة : كويسة الحمد لله .
الشاب : ايه رأيك حجزتلك عشان عارف انك بتيجي متأخرة ومش هتلاقي مكان .
فاطمة : شكراً

http://img684.imageshack.us/img684/5048/45026201.gif
الشاب : بصي ابقي رنيلي علطول اول ما توصلي عشان اعمل حسابي , اه صحيح رقمك كام :wink:؟
فاطمة : مفيش داعي انا هبقي اجي ع المدرج علطول .
الشاب : انتي مش عايزة تديني رقمك صح؟
فاطمة : اصله ملوش لازمة .
الشاب : طيب براحتك وقام زعل وقام كلم صاحبه .
فاطمة حست انه زعل وعلي نيتها ولا تدري ان هذه خطة جديدة _ هداكِ الله يا فاطمة _

http://img31.imageshack.us/img31/8535/nisaa3.jpg
وقامت كلمته وقالته انت زعلت .
ساب صاحبه وفرح ان الخطة نجحت : لا عادي بس حسيت انك مش عايزة تكلميني فسبتك براحتك .
فاطمة : انا بس مش متعودة ادي لحد رقم تليفوني خاصة لو كان ولد .
الشاب : ما شاء الله عليكي احترام عالي جدااا . انا كنت بطلبه منك بس عشان لما المحاضرة تبدأ ارنلك او اتوسطلك عند فراش المدرج
_ عم الجدع بقي _

وعلي فكرة عايز اقولك ان رقمك سهل اوي :smile:
فاطمة باستغراب : رقمي سهل http://www.jo1jo.com/vb/images/smilies/confused.gif !
الشاب:اه سهل حتي مش هو ........01
فاطمة http://www.jo1jo.com/vb/images/smilies/eek.gif : انت عرفته منين ؟
الشاب : عادي يعني سمعتك وانتي بتديه لصحباتك امبارح .
فاطمة : حاجة غريبة اوي
الشاب : لو مضايقة اوي كدة همسحه متزعليش دا مكنش رقم يعني !!
فاطمة : .........:redface:



والمحاضرات كلها حضرتها معاه


وتروّح فاطمة


البيت
" الاخت الولهانة "


مش " التقية النقية " زمان .
وتدخل اوضتها وتقفل عليها الباب وتسمع الاغنية اللي حضرته بعتهلها بالبلوتوث "

http://graphics.way2allah.com/nosongs/37.jpg
وبعدين لقت التليفون يرررررن :
بتبص لقت :
عم الشهم يتصل بك ...

قلبها دددددق جااااااااامد ,
ارد ولا لأ ..ارد ولا لأ ..http://www.jo1jo.com/vb/images/smilies/rolleyes.gif
لحد ما فصل ومردتش عليه
وعملته صامت .



راحت الجامعة واشترت علبة ميكب " مكياج " زي باقي البنات اشمعنا انا ,
ودخلت المدرج بتدور عليه طبعا وهو عارف انها هدور عليه
قام بصلها بصة عتاب ومورهاش وشه تاني
_ خطة عقاب لها عشان تحرم متردش عليا _
وعمالة تدور عليه في كل المدرج مفيييييش
وتروح الكافتريا مفيييييييييش



كان ناقص تجيب ميكروفون
واحد تايه يا ولاد الحلال محدش شافه ؟؟
وبعدين تتجرأ وتتصل به
لا وكمان بيكنسل عليها


وتروّح البيت مضايقة خااااااالص http://www.jo1jo.com/vb/images/smilies/mad.gif ولا حضرت محاضرات ولا صلت الظهر والعصر وقضت اليوم في البحث عن المفقود



ولا حول ولا قوة إلا بالله .


ونكمل في الحلقة القادمة إن شاء الله



ونشوف فاطمة هتعمل ايه ؟


& فاكهة الحلقة &



******************














والي اللقاء في الحلقة القادمة











وردة111 27-11-2010 06:30 AM

رد: حصريا ولأول مرة على شبكة الإنترنت عاجبني فيك لون عنيكي
 
اهلا بكم من جديد والحلقة الثالثة
مع اختكم فاطمة


فاطمة اللي بدئت تتخلي عن مبادئها وتنزل سلم الانحدار شيئاً فشيئاً
فاطمة اللي كانت محترمة جدااا ومتربية في بيت محترم ملتزم إلي حد ما
فاطمة اللي اسمها علي اسم فاطمة الزهراء رضي الله عنها بنت النبي صلي الله عليه وسلم
اين انتِ من اسمك يا فاطمة ؟؟
.................


هيا بنا نُكمل مع فاطمة
و
وكنا توقفنا عند " البحث عن المفقود "
وشربت فاطمة المقلب شرباً بارتواااااااء ,
تعالوا نشوف ازاي

صلوا علي النبي
عليه الصلاة والسلام

http://smiles.al-wed.com/smiles/13/i1663981_62268_4.gif
توصل فاطمة البيت متسلمش ع حد خالص ولا ع ماما حبيبتها وتقفل الباب ع نفسها
وزعلااااااااانة
ومكتئبة
وسرحانة
وتكلم نفسها : ياريتني كنت رديت عليه ياريتني ..http://forums.way2allah.com/images/smilies/frown.gif

وماما تنادي عليها عشان تيجي تحضّر معاها الأكل وفاطمة ولا هي هنا في عالم تاني خالص " عالم المفقود "
http://smiles.al-wed.com/smiles/13/i1663981_62268_4.gif

ماما : بت يا فاطمة مكنتيش بتردي عليا ليه ؟
فاطمة باسلوب جاف جداا: مسمعتش
ماما : ليه دانا الجيران كانت سامعة صوتي وانا بنادي ....
فاطمة : مسمعتش بقي يا ماما اوففففف
ماما : طيب اتكلمي كويس وتعالي كُلي يلا الأكل اتحط وانتي ولا ليكي لازمة .

فاطمة : لا مش عايزة آكل مليش نفس .
ماما : ليه إن شاء الله ؟ انا مش عارفة البت دي مالها مبقاش حد عارف يكلمها ؟
فاطمة : مش عايزة أكل بقي هو غصب ولا ااااااايه اوفففف؟
بابا_كوجه جديد معنا http://forums.way2allah.com/images/smilies/smile.gif_ : ايه يا بت بتكلمي امك كدة ليه انتي اتجننتي ؟
فاطمة : يا بابا مش عايزة أكل مليش نفس .
بابا : خلاص يلا روحي مع السلامة .

وتدخل اوضتها وهاتك يا عياط


اول مرة تكلمي ماما وبابا بالاسلوب دا يا فاطمة ؟
بتزعئي في وش ماما ؟
ماما حبيبتك ! اللي عمرك مرفعتي صوتك عليها وقليتي ادبك عليها !!

وكمان عشان عايزاكي تيجي تكلي ؟
حرام عليكي يا فاطمة ..
حرام ..

{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً }الإسراء23






وردة111 27-11-2010 06:32 AM

رد: حصريا ولأول مرة على شبكة الإنترنت عاجبني فيك لون عنيكي
 
وقالت انا مش هروح الجامعة بكرة وخدت اليوم كله نووووووووووم وضيعت الصلوات ولا حتي صالحت ماما وبابا اللي زعلتهم ,

فصحيت من النوم ع معاد الكلية اليوم التاني
فتبص في الموبايل لقت 15 مسد كول و5 رسائل
من ميــن ؟؟
طبعا من الشاب إياه

والرسائل كلها اعتذار
وانا اسف
وانتي فين ؟
مجتيش ليه النهاردة ؟
انا قعدت مستنيكي طول اليوم ؟

ياريت تيجي بكرة انا هحجزلك في نفس المكان .
وارتسمت البسمة علي وجه فاطمة
وقامت ولبست اشيك اللبس
والطرحة بدئت تقصر عشان الطقم يبقي اشيك ,
وعلبة الميكب في الشنطة مش هتحط في البيت عشان مش عايزة وجع دماغ من ماما .

وراحت الكلية
وقابلته

واتعاتبوا
وبعدين صافي يا لبن .حليب يا ضياع

ومفيش حضور محاضرات http://forums.way2allah.com/images/smilies/mad.gif

ولا صلوات http://forums.way2allah.com/images/smilies/mad.gif
وبقت تسمع اغاني http://forums.way2allah.com/images/smilies/mad.gif
وبقت تحط مكياج http://forums.way2allah.com/images/smilies/mad.gif
وبقت تقصر الطرحة http://forums.way2allah.com/images/smilies/mad.gif
واللبس بدء يبقي ضيق http://forums.way2allah.com/images/smilies/mad.gif
والكذب علي ماما وبابا وع نفسها .
وووووووو

http://img31.imageshack.us/img31/8535/nisaa3.jpg



http://smiles.al-wed.com/smiles/13/i1663981_62268_4.gif

وطبعا رسائل ورنات طول النهار ولكن نوع الرسائل الأولي كانت دينية .... وبالتدريج .... بقت رسائل .... ولا حول ولا قوة إلا بالله ,

وبعدها خد ايميلها وشاتنج :


http://www.imanhearts.net/up/up_down/75241.gif


وبدئت علاقتهم تتوسع شيئاً فشيئاً, لدرجة ان واحدة من صاحبتها اللي كانت قعدت معاهم قالتلها وهي جاية لوحدها :
البنت : ايه دا يا فاطمة امال فين ........؟ وضحكت هي وباقي الشلة .
فاطمة وطبعا مضايقة من الكلام والطريقة: معرفش هو فين !!
البنت : والله ؟ متعرفيش ! ههههههه وهات يا ضحك
قامت فاطمة سايباهم وماشية
http://fantasyflash.ru/anime/arrow/image/ar10.gif( ودي كانت اول رسالة لفاطمة من ربنا )
فهل فقتي يا فاطمة ؟


وافتكرت فاطمة
مبادئها اللي اتخلت عنها

وان كدة حرام فتلتزم تاني

ومتكلموش

ويرجع يحايلها تاني
وترجع تكلمه وتضعف تاني
وتحس
بالذنب تاني

وتقول انا لازم اقطع علاقتي به

ولكن أنّا ذلك وهي سايبة نفسها ف هذا المستنقع




* فاطمة حاليا مقصرة جدااااااا في مذاكرتها بتروح الجامعة عشان تقعد مع الشاب دا
* فاطمة مقصرة جدااااااااا عائليا
*وطبعا مقصرة جدااااااااا روحانيا مع الله

واحسااااااس بالذنب رهييييييييييب
ووحدة
وانعزال
وضيق
وبقت قافلة ع نفسها الباب علطول
ويدخل عليها اخوها الصغير
ويقولها فطوم انتي فين ؟ بقالك كتير مسمعتليش قرءان ؟ مش هتسمعيلي بقي ؟
فاطمة بتسمعه بحسرة وندم وخدته في حضنها وعيطت .
_طيب ليه يا فاطمة معذبة نفسك بمعصية ربنا وانتي اصلا كويسة ليه ؟؟! ,ليه تلوثي نفسك وانتي نقية اصلا ؟؟! _

http://fantasyflash.ru/anime/arrow/image/ar10.gif( اخوها دا كان تاني رسالة من ربنا لفاطمة ...)

فهل فقتي يا فاطمة ؟



وردة111 27-11-2010 06:34 AM

رد: حصريا ولأول مرة على شبكة الإنترنت عاجبني فيك لون عنيكي
 
وماما تدخل عليها ويبدأ الحوار الآتي بين فاطمة وماما :




ماما : فاطمة فيه ايه ؟ مالك ؟ اتغيرتي ليه يا بنتي ؟ فيكي ايه ؟ قوليلي ! مبقتيش تقعدي معانا خالص ليه؟



_فاكرين حبيبة كانت منشغلة بايه ؟؟ وفاطمة منشغلة بايه ؟؟ هداكِ الله يا فاطمة_



فاطمة في استنكار لواقع حالها مع غرغرة في العين : مفيش يا ماما انتي عارفة الدراسة بقي والانشغال



ماما : الدراسة برده . ؟






ماما : طيب يا حبيبتي انا عارفة انك متفوقة

وربنا يوفقك يا بنتي عايزاكي تفرحينا بقي زي ما





فاطمة : اه يا ماما صدقيني المحاضرات اتراكمت عليا وانا مش متعودة ع كدة .





فرحتينا في الثانوية كدة وتجيبي تقدير عالي .



فاطمة : يارب يا ماما ادعيلي ربنا يهديني ,


ومش هتحكي حاجة تاني لماما لانها في الاول كانت خام



إنما دلوقت اتلوثت بجو الجامعة اللي فتحتله الباب للاسف








مين بيتصل بيها دلوقت ؟؟



الشاب إياه



وهي كانت عاملة الموبايل "صامت" كما اعتادت من بعد ما عرفت الشاب دا

بس نسيت الموبايل في الصالة ودخلت نامت .

http://img35.imageshack.us/img35/2538/sckulr.gif
"صامت دا علامة ان في شيء غلط
ملحوظة يا اباء ويا امهات لما تلاقي ابنك او بنتك عامل الموبايل صامت او بكود سري للدخول"

خلي بالك اوي http://img181.imageshack.us/img181/3794/bla.gif ابنك أو بنتك في خطر
دعبس وراه وشوف وراه ايه ؟؟ عشان لو في حاجة ودا اكيد تلحق تلحقها"
فالشاب عمّال يتصل يتصل , فماما عدت من جمب الموبايل ولقته منور فراحت تمسكه تشوف مين بيتصل لقت ايه ؟؟
(اسم الشاب) يتصل بك ...
ماما بتبص واستغربت ايه دا مين الولد دا وبيتصل في نص الليل كمان ؟؟ فلسه جاية ترد لقته خلص اتصال , فحاولت تفتح الموبايل عشان تكلمه وتعرف هو مين !
لقت فاطمة عاملة الموبايل برقم سري محدش يعرف يفتحه !!!

فدخل الشك قلب الأم اخيـــــراً
فاستنت لمّا فاطمة تصحي وصحيت فاطمة عشان تروح الكلية ودار الحوار الآتي :
ماما : انتي تعرفي واحد اسمه .... (وهنا الام مطعلتش فطنة المفروض كانت توقعها الاول ف الكلام ولكن دا حال معظم امهاتنا لما بيتقهروا وبيتصدموا من ولادهم مش بيعرفوا يحكموا الامور كما ينبغي )
فاطمة في خوف ورعب من سؤال ماما واسلوبها بس طلعت ذكية بقي ف ردها " الشيطان بقي ": اممممممممم اه يا ماما دا زميلي اللي انتي قولتلي انقلي منه المحاضرات ف بداية الدراسة .
ماما مع ندمها انها قاتلها كدة : بس متوصلش بيه انه يتصل بيكي الساعة 3 بالليل اتجنن دا ولا ايه ؟
فاطمة : انا هزعئله يا ماما _ يا بت يا حمشة _.
ماما : لا انتي متكلموش تاني خالص , فاهماني يا فاطمة متكلموش تاااااااني , وبالنسبة المحاضرات منتي بتحضري كل حاجة ليه تنقليها من حد ؟؟ ولو اتزنقتي ابقي شوفي واحدة من زميلاتك .
_ كان فين كلامك دا من الاول يا امنا الفاضلة ؟؟ _



فاطمة : حاضر يا ماما . http://forums.way2allah.com/images/smilies/rolleyes.gif









فاطمة مش عارفة تعمل ايه ف كلام ماما وتعلقها بالشاب دا ومحايلته ليها !!




http://fantasyflash.ru/anime/arrow/image/ar10.gif( وموقف ماما دا كان ثالث رسالة من ربنا لفاطمة )




فهل فقتي يا فاطمة .؟؟











توصل الجامعة وتلاقيه مستنيها ع باب الجامعة ويبدأ الحوار الآتي :



فاطمة : انت بتتصل ليه بيا بالليل كدة وعملتلي مشكلة كبيرة اوي مع ماما وبدئت تشك فيا ؟




الشاب : ايه اللهجة دي يا فاطمة , دا جزائي عشان افتقدتك ؟!


فاطمة : لا بس متتصلش بيا بالليل كدة .

الشاب لما لقاها لسه متنشنة : خلاص انا اسف مش هعمل كدة تاني روّقي بقي ؟
فاطمة : انا عايزة اعرف انت بتكلمني ليه دلوقت وايه سبب علاقتنا دي ؟
الشاب " يا نهار ابيض"http://forums.way2allah.com/images/smilies/cool.gif دي بينّها هتبقي قاعدة غم النهاردة http://forums.way2allah.com/images/smilies/cool.gif: عشان انا اتعلقت بيكي وعايز ارتبط بيكي .
فاطمة :ايه اللي يثبت انك عايزني ؟
الشاب : حاجات كتير يا فاطمة في ايه مالك ؟
فاطمة وبتعيط وضعفت تاني : انا مش طايقة نفسي حاسة اني مكروهة من الدنيا كلها .
الشاب + إبليس : ليه يا بنتي فيه ايه ؟ انتي عملتي حاجة غلط لسمح الله ؟ منتي زي باقي البنات ؟ وبعدين بقي اخلاقك دى هى اللى شدتى ليكى وتدينك كمان http://forums.way2allah.com/images/smilies/rolleyes.gif؟
ومعاكي حبيبيك اللي بيحبك وف نفس الوقت مبتعمليش حاجة شاذة يعني , انتي مكبرة الموضوع اوي ومأفوراه زيادة عن اللزوم ’ متبقيش خنيقة بقي .

فاطمة والشيطان اثر عليها للاسف : انا مش خنيقة انا عايزة اعرف انا صح ولا غلط
_ جاية تسألي الشيطان يا فاطمة يا ذكية ؟ ما طبعا هيقولك انتي صح ومية مية _
الشاب : انتي زي الفل , ناقصك بس
الضحكة الحلوة



و











ورجعت تاني لنفس الضياع بعد رسائل ربنا الخفيفة لها لعلها تفوووووق ,




ولكنها يظهر من النوع اللي لازم تحصله مصايب عشان يفوق



وإليكي يا فاطمة هذه الأبيات


نفسي تقوليها للشاب دا

اسمعي كدة قصدي... اقري كدة :







إعذرني فأنا إمرأة أخرى

لا تحبك ولا تهواك
لم تبيت تحلم برؤياك أو لقياك
إمرأة جادة لم تفكر فيك يوما حتى تنساك
إعذرني فأنا إمرأة أخرى
لا تجيد لغة الحب والغرام
إمرأة مختلفة غير نساء هذه الأيام
إمرأة تجيد أشياءًا عديدة
غير الأحلام والهيام
إعذرني فأنا إمرأة أخرى
لا تتكلم بلغة العشاق
الطريق إليها ليس مفروشا بالورود
ولكن بالأشواك
ليس صيدا تصيده أيها الجاهل بالشباك
إعذرني فأنا إمرأة أخرى
إمرأة أبية ليست كالأخريات
لا تهمها إبتسامتك ولا تسحرها أجمل النظرات
لا لن تستجيب لما تقدمه لها من مغريات
فهي ثابتة على قيمها كالجبال الراسيات



إمرأة اخرى



تعرف لخالقها قدره فلا تقع في الموبقات

لم تحلم بالحب يوما الا فيما يقربها للجنات
امراة لا تريد أن تحشر إلا مع الصالحات



لأني


إمرأة أخرى
















والي اللقاء مع الحلقة القادمة








ومع رسائل ربنا الجامدة

والمصائب اللي هتتحل ع دماغ فاطمة





تابعونااااااااااااا















فاكهة الحلقة






http://www.lakii.com/vb/smile/20_230.gifأختاه إحذري (مقطع رائع للشيخ محمد يعقوب)
http://www.lakii.com/vb/smile/20_230.gifانشودة يا إبنة الإسلام للشيخ أحمد العجمي






والي اللقاء في الحلقة القادمة




و





والسلام عليكم ورحمة الله وبركاته






الساعة الآن 05:59 PM.

Powered by vBulletin® Copyright ©2000 - 2021, Jelsoft Enterprises Ltd.
Content Relevant URLs by vBSEO 3.3.0 , Designed & TranZ By Almuhajir
جميع الحقوق محفوظة لمنتدى قصة الإسلام