القدس
أنا لسة ناقش حروف اسمك على صدرى
يا حبيبتى وأمى ودنيتى وناسى
يا قدس ما تخلينى أطاطى فى التراب راسى
دا أنا لسة كاتب بالدموع اسمك
دا أنا لسة راسم بالدموع جسمك
وراسم القبة ومنبر صلاح الدين
وراسم الارضية والحيطة والحصان والطين
علقتهم فى أوضة ابنى نور الدين
علمته يرسم كل طوبة وكل شق
خليته يعرف يعنى اى شرف أتسرق
خليته يعرف يعنى اى قلب أتحرق
رسخت جواه رجوعها من غير قلق
حفظته ابيات قالها صلاح الدين
بيقولها مع الاذكار كل صباح ومساء
وفى القيام بيقرا بسورة الانفال
وفى السجود بيدعى يارب أصلح حال
أمة محمد نبينا المصطفى العدنان
شعر - مصطفى العنانى