محاضرة بعنوان (من هو الله؟) للدكتور حازم شومان
 

رد: محاضرة بعنوان (من هو الله؟) للدكتور حازم شومان
 

التفريغ
لاتحرمونا من دعائكم

من هو الله ؟
اخوانى فى الله .. هو ايه اللى بيحصل
تسأل الناس .. قول يارب .. يقولك بقول يارب
يا اخى ادعى ربنا .. يقولك انا بادعى ربنا
يا أمه محمد هو ربنا اتغير ؟
هو ربنا اتغير ؟
الله لم يتغير
الله ..
نفس الاله اللى في يوم من الأيام نجي ابراهيم من النار
هو نفس الاله اللى الآن بيسمعنى وبيسمعك .. ويرانى ويراك !
نفس الاله يا اخوانى ..
نفس الاله اللى نجي يونس من بطن الحوت
هو نفس الاله اللى انتا بترفعله ايديك دلوقتى
هو نفس الاله اللى مطلع علينا دلوقتى
هو نفس الاله اللى نجي محمد عليه الصلاة والسلام من احلك موقف فى تاريخ السيرة كله حينما كان فى الغار وحوصر الغار !
زي صدام فى العراق شفتوا منظر لما كان الجنود نازلين يجيبوه من الغار اللى فيه!
نفس المنظر حدث مع سيدنا محمد صل الله عليه وسلم
نفس الاله اللى نجاه
هو نفس الاله اللى احنا بنعبده دلوقتى
اللى احنا في بيته دلوقتى
نفس الاله !
كلمة "حسبى الله ونعم الوكيل" اللى سيدنا ابراهيم نجي بيها من النار
هى الكلمة اللى انا وانتا بنقولها دلوقتى !!
اومال ما مش بننجى بيها ليه ؟!
كلمة "لا اله الا انت سبحانك انى كنت من الظالمين" اللى طلعت سيدنا يونس من ظلمات فوق ظلمات
هى نفس الكلمة اللى ممكن تقولها دلوقتى !
اومال مابطلعنيش وبطلعك من الظلمات ليه ؟!
يا اخوانى .. ربنا اتغير ؟!
الله لم يتغير
اومال مين اللى اتغير ؟
احنا اللى اتغيرنا ..
احنا اللى اتغيرنا ..
قلوبنا اللى اتغيرت ..
يقيننا اللى اتغير ..
ايماننا اللى اتغير ..
اقولكم يا اخوانى الحقيقة
.
.
اللى احنا فيه دلوقتى بقى صورة دين .. مش حقيقة دين
بقى صورة ايمان .. مش حقيقة ايمان
بقى صورة صلاه .. مش حقيقة صلاه
بقى صورة دعاء .. مش حقيقة دعاء
مش واحد رافع ايده وقلبه منفطر بيتمرغ على اعتاب الملك
ده منظر ايد مرفوعه .. ومنظر لسان بيتحرك !
انما حقيقة الدعاء هيا اللى بستنزل الفتوحات من خزائن الله
حقيقة الدعاء هيا اللى بتدق ابواب السماء .. وتزلزل ملائكة السماء ان تضرع الى الله ان تنجي من دعى بهذا الدعاء
اخوانى فى الله .. القضية دلوقتى ان الدين بقى فى حياتنا صورة .. ماعادش الدين فى حياتنا حقيقة .. ماعادش الدين بقى فى حياتنا حاجه حقيقية
المسلم دلوقتى تشوفه بيجرى على الدنيا جرى الوحوش ..
تقوله يا اخى انتا لو مت وانتا جعان (مانتا عاوز تاكل وتشرب) لو مت وانتا جعان بس انسان مؤمن
لو مت وانتا جعان ربنا هيطعمك من الجنه
لو مت وانتا عطشان ربنا هيسقيك من الجنه
لو مت وانتا مريض ربنا هيعافيك فى الجنة
لكن لومت وانتا معاكش ايمان
لو مت وانتا مش موصول بالله
لو مت وانتا مش عارف من هو الله