مش هاكتب زى كل مرة بالفصحى بالرغم من حبي الشديد لها , ولا هاعمل ديباجة للموضوع ولا حتي هنسق السطور والكلام ده كله ..
أنا هتكلم معاكم بكل بساطة ومن غيرترتيب وزي ما تجي وربنا يستر :)
بصراحة أنا تعبانة جداً وقلقانة جداً جداً مش هقول خايفة لا أنا مرعوبة بصدق والله مرعوبة , كل يوم بيمر علينا وكل لما بسمع القنوات الإخبارية والبرامج السياسية ولما بقعد مع الناس زي اقربائي وصديقاتي وزميلاتي بسمع كلام كثير بيزعلني والله اوي
لسه قريب جداً زميلة ليه بتقول مصر عملت ثورة لكن للأسف الناس بتستغل الثورة دي في حرق الكنائس او فى بيع السولار وتهريبة للخارج أو في إرهاب الناس , ياريت الثورة ما كانت حصلت ..!!
طبعاً مش هقولكم مقدار آلمي لما سمعت منها كده وهي متعلمة تعليم عالي ومثقفة لحد ما يعني , على فكره هي مدرسة بتدرس لطلبة اعدادي , يعنى هي لما تقول كده أمال الناس التانية تقول إية , الناس اللى ثقافتها محدودة جداً ,
اقول ايه بس ..! الله المستعان
...إيوه فرحت اوي بالثورة كنت ببكي كل يوم من الفرحة والسعادة والخوف على اخواتي وهما فى جميع شوارع مصر واسكندرية والسويس وكل حته في مصر , كنت عايشة معاهم اربعه وعشرين ساعة , والله ما كنت بنام واذا نمت كنت بنام ادام التلفزيون وقناة الجزيرو والمستقلة , كنت بخاف اقفل عينى لحظة ومعرفش ايه اللي بيحصل في مصر الكنانة , كنت بنام سعات بسيطه جدا ومتقطعة وطبعاً مش انا بس الى كنت كده, كتير جداااااا زيي واحسن منى عملوا كده واكثر من كده ..
كنت اتمنى اكون في الميدان والله بس كان مستحيل حدوث ذلك لانى مش من القاهرة , وكمان لاسباب تانية , وانتم فاهمين طبعا , لو كنت راجل كنت بقيت معاهم من اول لحظة , مش شطارة ولا جدعنه مني لا , لكن ده واااااجب وفرض علينا كلنا نكون في قلب مصر مش واقفين نتفرج من بعيد ...
في شهداء ,ايوه فيه شهداء وكثير ولسه فيه ناس مش معروفين هما مين ولسه فين ناس مفقودين , ولسه فيه ناس معتقلين ,ولسه فى ناس مخدوش حقهم ايوه فيه كثييييييييير , وفيه ناس فقدوا اطرافهم وعيونهم في الثورة ايوه كثير ومخدوش حقهم حتى الآن ,ايوه لسه .. لسه الشرطة بتتعامل معانا كأننا عبيد عندهم وأعداء لهم ..؟ أيوه لسه طبعاً
والدليل يوم 15 مايو لما طلعوا على الشباب المعتصمين امام السفارة الصهيونية وطالبوا بتنكيس العلم بس,
الدنيا اتقلبت وقتها علشان السفارة ولا علشان هيبة الدولة ولا علشان تصفية حسابات ..؟ مش عارفه بصراحة
بس كانت مهزلة والله , مش عاوزه اتكلم كثير في النقطة دي ولا اقول الشباب غلطوا ولا لا بس مهما كان هما مش مجرمين علشان ينزلوا على ركبهم ويزحفوا على بطنهم ويتهانوا كل الاهانات دي لييييييييه ..؟
كنا نسينا شويه اوتناسينا احداث الثورة والمجازر اللى حصلت فيها رجعنا تانى للضرب والشتيمة والاهانه ورجعنا تانى للممارسات اللا انسانية ضد الشعب المصري من قبل الشرطة لا وكمان الكارثة الكبرى أن حفنة من الجيش كانت بتساعدهم , مش عارفة يمكن الجيش تعب ويمكن كمان عاوز يأدب الشباب دول شويه علشان نهدى ونتحرك للأمام
ونبدأ فى العمل ونشوف هيجرى ايه تانى كفايه قلق وخروج للميدان يوم الجمعة علشان بنعطل الإنتاج ..!!
الجيش فعلا شكله تعب مننا ..!
أحنا بنحب الجيش ..؟ ايوه والله العظيم بنحبه وبنحبه اوى كمان وفرحانين ان احنا عندنا جيش زى ده , يعنى لو قارنا بينه بينه وبين جيش سوريا وليبيا واليمن هنقول لالالالالالالامفيش وجه مقارنه ولله الحمد ,, يعنى مفيش حد كامل والجيش اللى فيه بشر ممكن يغلطوا عادي جدا وممكن يتعبوا ويتنرفزوا عادى جدا برضه ..
أنا هطرح افكار وانتم طبعا هتشاركوني فيها لان ده مش المنتدى بتاعي لوحدي ,ده بتاع الأمة كلها وكمان دى مش بلدي لوحدي لا دي بلدنا كلنا وكلنا سنسأل عنها أمام الله يوم القيامة ,,
هنعمل ايه ..؟
أولاً هنضع افكارنا هنا وكل واحد يتكلم عن مشكلة فى مصر .. زى التعليم .. والتلوث . . البحث العلمي .. الأخلاق .. التعاون .. معاملة الأقباط .. وامور كثيرة جدااااااااا
وهناخد مشكلة مشكلة ونحاول نعالجها على قد ما نقدر إن شاء الله
مش هنشتغل هنا بس ,لا هنا وبره وفى كل مكان بنتواجد فيه .. لازم نتحرك في النت وبره النت, فى العمل ,و البيت
في كل حته في بلدنا ..هنقابل الناس ونكلمهم ونشوف مشاكلهم ولو قدرنا نساعدهم نساعدهم , طبعا قدرالمستطاع
بس بالله عليكم بلاش تخدير وهروب اصل احنا زهقنا من كلمة هو احنا هنعدل المايل اه والله ممكن اوى نعدله , الدليل الثورة , مش واقع ده وحصل ادامنا ولا ايه ,,هنعدل ولا لا ..؟
إن شاء الله هنعدل يا حنين :)
طيب أنا هسكت خالص وهستنى دخولكم ومشاركتكم وافكاركم وحماسكم وخوفكم على بلدكم وامتكم . وحبكم الحقيقي لهما ..
رد: فكروا معايا ( إزاي هنبني مصر ) ..؟ المشاركة للجميع
وعليكم السلام ورحمة الله وبركاته
بصراحة عصبتني هذه الجملة :
اقتباس:
لسه قريب جداً زميلة ليه بتقول مصر عملت ثورة لكن للأسف الناس بتستغل الثورة دي في حرق الكنائس او فى بيع السولار وتهريبة للخارج أو في إرهاب الناس , ياريت الثورة ما كانت حصلت ..!!
بصراحة في كلام شديد اللهجة أود أن أقوله لصاحب تلك المقولة ,, ولكن الطيب أحسن ..
معروف على مر التاريخ ,, أن أي ثورة يعقبها حالة فوضى ,, فما نمر به أعراض طبيعية جدا ,, تزول بمعالجة أسبابها إن شاء الله ..
وإن شاء الله أعود مرة أخرى
جزاكم الله خيرا على الطرح الرائع ,, بارك الله فيكم ..
رد: فكروا معايا ( إزاي هنبني مصر ) ..؟ المشاركة للجميع
اقتباس:
المشاركة الأصلية كتبت بواسطة ألب أرسلان
وعليكم السلام ورحمة الله وبركاته
بصراحة عصبتني هذه الجملة :
بصراحة في كلام شديد اللهجة أود أن أقوله لصاحب تلك المقولة ,, ولكن الطيب أحسن ..
معروف على مر التاريخ ,, أن أي ثورة يعقبها حالة فوضى ,, فما نمر به أعراض طبيعية جدا ,, تزول بمعالجة أسبابها إن شاء الله ..
وإن شاء الله أعود مرة أخرى
جزاكم الله خيرا على الطرح الرائع ,, بارك الله فيكم ..
مرحباً بحضورك أخي اطيب
جزاك ربي الجنة على حضورك وإهتمامك الذي تعودنا عليه منك
بخصوص ما ازعجك يا اخي الكريم لا تهتم لهؤلاء , فهذه ثقافة عقود لا يمكن ان تتغير وتتحول من سلبيه لإجابيه فى شهور او حتى سنوات قليله بل تحتاج الى عقد من الزمن على الاقل ,, لقد سممت عقولهم وترهلت ثقافتيهم وباتت عقيمة بسبب تلوث مياة النيل وسرطنة الأطعمة وقمع وارهاب الإرادة الشعبية للكثيرين منهم ,
إن شاء الله سنبني مصر ومن مصر ستنهض الأمة كلها .. سينهض الأسد من عرينة لينفض عنه المرض العضال ويخرج للعالم ليجبرهم على طاعته وتقديره وإحترامه والخضوع التام له ولرغباته التى ستحقق العدل والرحمة للعالم بأسره ..
انتظر مرورك أخي الكريم المتكرر والدائم
وبارك الرحمن حضورك ونشاطك الطيب
رد: فكروا معايا ( إزاي هنبني مصر ) ..؟ المشاركة للجميع
السلام عليكم ورحمة الله وبركاتة
أن شاء الله هنبنى مصر
مصر القوية العزيزة بينا تبقى الأم
أم الدنيا حانيا ومضللة على الكل
دى مصر أمى حكاية ورواية
دى مصر دية اللى ولادها كانوا ضحكاية
قاموا بثورة نورت لينا
وهما منا وبنا وبينا
ثورتنا ثورة شعب قادها الشباب
والجيش حماها وزادها وكمل المشوار
هنبنى مصر الحبيبة بالحب والعلم والفهم والايمان
شعر على قدى
أن شاء الله نبنى مصر أنا خايف زى حضرتك بالظبط بس فى حاجة كل ما أتذكرها تطمنى
وهى أن ثورتنا ثورة صنعها الله ووفقنا اليها
وأذا فضلنا على طريقنا الى الله وفضلنا مع الله
هو ايضا سبحانة وتعالى هيكون معانا
أنا سمعت من اكثر من داعية اننا الان فى مرحلة لِيَنْظُرَ كَيْفَ تَعْمَلُونَ
اذا فعلينا ان نعمل
أن شاء الله لى عودة لاتحدث عن التعليم والاقتصاد
وهناك رسالة أخرى هامة ساتحدث عنها لاحقا أن شاء الله
جزاكم الله خيرا على هذا الموضوع الهام جدا
وأن شاء الله نمر من عنق الزجاجة ونصل بمصر الى بر الامان