وزي ما كلنا عارفين ان اكتر حاجه بترعبنا في التقديم لأي شغل اثناء البحث عن وظائف في مصر والوطن العربي هو ازاي هقدر اعدي من " المقابلة الشخصية او الانترفيو " ،
وازاي هقدر اقنع ال" اتش ار " اني كفء وان هكون مناسب للوظيفة ،فلازم يكون عندي مهارات ومعلومات عشان اقدر اثبت اني الافضل
فلازم نعرف مبدئيا ايه هي مهارات المقابلة الشخصية
وتاني نقطه من حيث الأهمية : ايه هي أسئلة المقابلة الشخصية اللي لازم تكون علي علم بيها وانت بتقدم للوظيفة وايه هي الاخطاء الي ممكن تقابلنا وقت الانترفيو وازاي نحلها
وهنشرح ببساطه كل نقطه منهم وبيهم بأذن الرحمن هتقدر تعدي وتشيل حاجز الرعب اللي بنحس بيه وقت الانترفيو .
واول نقطه هنتكلم عنها هي مهارات المقابلة الشخصية :
اولا : اهم جزئيه في المهارات واللي لا بد ان نهتم بيها هي
: مظهرك لازم ولابد ولا مفر يكون مظهرك متناسق مع المؤسسة اللي هتكون جزء منها فيما بعد ،ويكون مظهرك قريب جدا لمظهر الموظفين داخل المؤسسة.
ثانيا :لازم تكون في المؤسسة قبل الميعاد ب ربع ساعه او نص ساعه كحد اقصي ، عشان تقدر تتخلص من التوتر اللي بيكون قبل دخول قاعه المقابلة والي هتقابل فيها ال" اتش ار "
وثالثا: اهميه تحضير كل الاوراق والمعلومات اللي هتفيدك وقت الانترفيو زي : اهداف ورؤيه المؤسسة وتاريخها ونشاطها وايه هي اهم انجازاتها .
رابعا :وقت دخولك قاعه الانترفيو لازم تهتم جدا جدا بالاتصال البصري بينك وبين ال " اتش " انه لازم يكون متصل علي طول وتحافظ ع لغة جسدك بمعني ان يكون كل تصرفاتك وتحركاتك بتدل علي ثقتك بنفسك كأنك بتوجه رساله لل اتش ار بتقوله فيها انا هكون صاحب المنصب ده انا الشخص الكفء اللي المؤسسة محتاجاه
النقطةالثانية :أسئلة المقابلة الشخصية :
من الأسئلة اللي لا يخلو منها اي مقابلات العمل
اولهم : عرفنا عن نفسك لازم تجاوب علي السؤال ده لازم تجاوبه باختصار شديد والاختصار يكون برضو كافي انهم يعرفوك.
ثانيا :ايه هي مميزاتك وفي اجابتك هتكون ايه هي اكتر حاجه ممكن تنجحك فيالوظيفة اي كانت ولازم تكون صادق لحد كبير .
ثالثا : ايه هي عيوبك واحابته هتكون اي عيب موجود فيك لكن عمره ما هيقصر علي الشغل بمعني يكون خارج مجال الشغل .
رابعا : ايه هي طموحاتك في الحياه ومستقبلك : هنا لازم اجابتك تبين ايه هو سقف طموحاتك لازم يكون طموحك المستقبلي سواء مهنيا او شخصيا يكون اعلي مايمكن ولازم تكون قادر علي الوصول ليه .
وخامسا : لو قابلك موقف سلبي في فتره الشغل هتتعامل معاه ازاي وهنا لازم يكون تصرفك ايجابي بشكل كبير علي انك تعدي من المشكله وتفكر في اقرب واصح حل ليها .
ثالث نقطه ايه هي اخطاء الانترفيو وازاي نتجنبها :
اولا : يكون كلامك ممل لازم يكون كلامك شيق عشان تقدر تثبت نفسك.
ثانيا : المدح الزياده في نفسك اهم حاجه تكون متوسط في كل حاجه حتي ف الكلام علي نفسك التجمل الزياده بيدي انطباع مش حلو .
ثالثا : تسئل هو المرتب كام ده اسواء حاجه لانه بيدي احساس بأنك مادي وكل اللي يهمك الفلوس وليس افاده المؤسسة رابعا :انك تتكلم بطريقه سلبيه بكده هتبين ليهم انك انسان سلبي والسلبية بتأثر ع الانتاج والشغل فلازم تكون ايجابي لأبعد الحدود
في النهايه :لازم تكون ثقتك بنفسك كبيره وتكون داخليا متأكد بانك مكسب للمؤسسة وانك هتكون عامل من العوامل اللي هترفع من مستوي الشركة وكله يتوقف علي مدي تفانيك في شغلك
وبكده نكون عرفنا ايه هي الاسرار وحل المشكلات اللي ممكن تقابلنا في اي انترفيو بنقدم فيه
hsvhv k[hp hghkjvtd, çQRçR