منتدى قصة الإسلام

منتدى قصة الإسلام (http://forum.islamstory.com//index.php)
-   خواطر وأدب (http://forum.islamstory.com//forumdisplay.php?f=68)
-   -   إنـتـخـبـوووونـى (http://forum.islamstory.com//showthread.php?t=36592)

منى موسى 12-04-2012 01:33 PM

إنـتـخـبـوووونـى
 
[photo]51619977[/photo]
[photo]53276750[/photo]
أيوه العنوان مظبوط أنا برشح نفسى للرئاسة إيه الغريب فى كده ماهو كله دلوقت بيرشح نفسه من الغفير للوزير يعنى هى جت علىَّ ولا علشان أنا إنسان بسيط طيب الأول إسمعوا برنامجى الإنتخابى قبل ماتقولوا إنى مجنون
أنا هاخلى حياتكم كلها سعادة وسرور ومافيش لاحزن ولا غم ولا شيلان هموم
البطالة دى قولها بايبااى والفقر هايبقى من العصر اللى فاات ومافيش لا عيش حاف ولا طااابور جااز خلاص بقى هاتاكل جاتووه وتركب شيفورليه والعشش ماعادشى هايبقالها وجود لأنك خلاص هاتبقى من سكان القصور
وبالنسبة للتعليم فاأنا بطمن الطلاب هاتنجح هاتنجح حتى لو مافتحتش كتاب والمدارس مش مشكلة طالما هايكون فى بيتك أستاذ على النت بيوصلك مانا هاعطيك جهازلابتوب آخر موديل لجل ماتحقق إنجاز وتزرع مزرعتك وتغيظ الملاك
والصحة مش ناسيها طبعا مافيش أمراض لأنى هاقضى عليها وأحاربها بالمبيدات
وأهم حاجه طبعا أنا مش ناسيها وهى زواج الشباب ومحو العنوسة واللى نفسها تخلف وفيه مشكلة فيها هايكون عندها دستة مشكلة من الولاد تغيظ بيهم أعاديها وكل الجيران
شفتم بقى إزاى أنا هاخليلكم البحر طحينة علشان بس ترضوا عنى وتوافقوا على ترشيحى
وعلشان تضمنوا كلامى هاديكم ضمان بعد أربع سنين حاسبونى على الإنجاز وأنا أضمنلكم إنى هاكون خلصت على الأموال وحولتها بحالها لسويسرا رمز الحرية والإدخار ومش هاتلاقونى ولا حد من ولادى موجودلأنى هاكون هاجرت ومعايا كل عائلتى وبالجنسية الأمريكية هانكون فى حمى من مجالسكم
نفسى بجد قبل ماموت اتوظف فى وظيفة حكومية ساعدونى وإنتخبونى ربنا يخليكا أنا منكم وحاسس أنابيكم وأنا الوحيد اللى هاينقذكم ويحقق أمانيكم
[photo]53276799[/photo] [photo]53276835[/photo]


الساعة الآن 12:33 PM.

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.3.0 , Designed & TranZ By Almuhajir
جميع الحقوق محفوظة لمنتدى قصة الإسلام