انا حطيت نفس المشاركة على قسم الاقتراحات و قسم الشكاوى...آسفة للتكرار...بس لعل حد يساعدنى...
دى أول مشاركة ليا عالموقع هنا...
بدور من فترة على أى وسيلة اتصال بالكتور راغب السرجانى لغاية ما لقيت الموقع اللى هو بيشرف عليه...لعلى أعرف أوصله من خلاله...
فيه شريط قيم جدا للدكتور راغب اسمه كيف تحافظ على صلاة الفجر...كنت بجيبه من مصر و أوزعه مجانا من وقت للتانى و لقيت انه ما شاء الله فرق مع ناس كتير و أصبحوا بيصلوا الفجر بفضل الله من خلال الشريط دة...
بس للأسف من فترة سألت عنه لقيت انه مش موجود فى السوق لان السى ديهات استبدلت شرايط الكاسيت فمعدش الشريط بينزل!...مع العلم ان الكلام دة حصل فى المنصورة...
رغم ان سواقين التاكسى معظمهم معاهم كاسيت فى العربية مش سي دى!و دى غالبا الفئة اللى كنت بديلها من الشريط خلاف الأصحاب...
فكرت أوصل للد.راغب السرجانى بأى طريقة و أعرف منه أجيب الشريط منييييين؟ و ليه مش متوفر زى الأول؟؟
أنا محتاجة الشريط دة أوى لانه صدقة جارية و قيم جدا و بيدخل القلب بسرعة البرق لانه فعلا من القلب ما شاء الله و ربنا يجازى الدكتور راغب عنا خير...آمين
يا ريت لو كلامى دة يوصل للدكتور راغب و يقدر يرد عليا...أجيب الشريط منين؟؟ دة أنا حتى فكرت آخد من الدكتور راغب (لو عرفت أوصله) موافقة بانى أطبعه على حسابى بس مش عارفة لو هقدر على تكاليف الطباعة...
جزى الله خير كل من حاول مساعدتى بتوصيل هذا الكلام للكتور راغب و الرد عليا...