جزاكم الله خيرا علي هذا الموضوع الهام واتمني كل اخ ملتزم يقرأه وحقيقي في فعلا اخ اعرفه يبحث عن الجميلة جدا جدا وحجته كما ذكرت حضرتك في الموضوع من حجج
انا مش بقول يتزوج من اخت مش عجباه انا مش هقول انها مش جميلة لاني مقتنعة بمثل مصري بيقول (كل فولة ولها كيال) يعني اللي مش عاجبة اخ ما بتعجب اخ تاني لكني اعاتب في البحث عن الجميلة فوق الوصف كأنها زوجته دنيا وأخرة ونسي ان في حور عين في الجنة
والغريبة ان بعد ما يقول عايزها جميلة وتكون ....... وتكون.......و و و و
وفي الاخر بيتجوز واحدة عادية جدا في جمالها وبتكون بالنسبة له جميلة لان الجمال مسألة نسبية مش لازم يطلب طلبات كأنها عروسة تفصيل
الموضوع بجد مهم لان المسألة دي سبب في تعاسة شخص اعرفه ميسور الحال وصاحب مهنة ممتازة وعلي قدر كبير من الوسامة يعني عريس لقطة زي مابيقولوا بس للاسف مش عارف يتجوز بسبب البحث عن العروسة الجميلة جدا جدا جدا جدا واللي مستواها الاجتماعي عالي عالي حتي اعلي منه وفي الاخر هو حزين ومش عارف يتجوز ولما يلاقي اللي فيها المواصفات اللي عاوزها تتفركش الخطوبة او يطلقها بعد كتب الكتاب بسبب خلافات تافهة تدل علي عدم وجود دين لدي اطراف الموضوع كلهم رغم ان الاخ ملتزم والاخت ملتزمة الي حد ما
وصدق رسول الله فاظفر بذات الدين تربت يداك
ربنا يهدي شباب المسلمين وييسر زواجهم
واسالكم الدعاء لي بارك الله فيكم