كشف حساب:ده طبعا موضوع فى برنامج بورصة الايمان للاستاذ سعيد توفيق والفكرة دى لقيت اقبال شديد من الناس انا حبيت نعملها هنا فى المنتدى وخاصة واحنا فى شهر رمضان عشان نشجع بعض يعنى مثلا كل عضو هيدخل ويكتب لنا اليوم بتاعه كان عامل ازاى من حيث: 1ـ الصلاة والنوافل وقيام الليل(بمعنى كل ماقام به من صلوات خلال اليوم) 2ـ قراء القرأن 3ـالاذكار(طبعا اذكار الصباح والمساء واذكار ما قبل النوم وهكذا وطبعا ممكن يذكر الاخطاء اللى عملها فى اليوم مثلا لو شاف مسلسل او زعل مع حد او ضيع وقته فى غير طاعة الله
وبأذن الله الموضوع يكون بعيد عن الرياء الموضوع كله ان احنا هنشجع بغض ونتسابق للتقرب من الله وبرضوه لو حسيت ان يومك مش تمام ادخل واكتب عشان تعرف انت غلط فى ايه وتصلحه ياريت ياجماعة الكل يشارك ويارب الموضوع يعجبكم
السلام عليكم وطبعا بما انى انا اللى كاتبة الموضوع يبقى لازم ابتدى انا هكتب عميلت ايه امبارح وربنا يستر: 1ـالصلاة:ـ الفجر:حاضر بالنوافل فى البيت الظهر:مش حاضر وبدون نوافل العصر:حاضر وبدون نوافل المغرب:حاضر وبدون نوافل العشاء:حاضر وبدون نوافل
2ـقراءة القرأن:سورة ال عمران 3ـالاذكار:اذكار ماقبل النوم ،اذكار الاستيقاظ اذكار الصباح،اذكار المساء الاذكار بعد الصلاة الحمد لله مشفتش مسلسلات بس اخد لفة فى التلفاز سمعت دروس من قصة الحروب الصليبية واتخنقت مع اخويا وكمان ريحت ماما شوية فى شغل البيت ربنا يستر طبعا ده يوم ميسرش عدو ولا حبيب بس بأذن الله هيتحسن