رد: أريد زوجة بشرط أن تكون جميلة !! ..... والتدين هييجى بعد الزواج ..
السلام عليكم
مش عارفه أقولكم إيه من غير ماحد يزعل أنا رئى الشاب اللى يفكر بالطريقه دى يبقى هايف وسطحى لإن الناس مبتتعرفش إلا بالعشره وكمان من غير زعل ولا هو متدين ولا حاجه هو فاكر إنه هاياخد حورية الجنه فى الدنيا ولا هو إيه أصلا علشان يتشرط كده
لو كان متدين كان يخاف على إسلامه لأنها ممكن تشغله عن دينه باهتماماتها هى وانا اعرف واحد كبير بقاله 20 سنه تايه مع انه من عيله متدينه وهو متدين بس كل يوم حاجه جديده النهارده أبوها وامها معزومين بعده اختها اللى فى السويس وولادها وبعده اختها التانيه وولادها وبعدين لازم نرد العزومات وهنصيف فين وهنجيب منين وخلاص على كده أصبح تدينه كله محصور فى الصلاه فى الجامع وأكتر من كده مفيش وقت وعلى فكره هو مواظب على الصلاه وهى بعد أكتر من عشرين سنه برده مبتصليش وبناته مبيصلوش إلا واحده
اوعوا ياشباب تحطوا نفسكم فى الورطه دى مش هتقدر تغيرهاوالله بقالها اكتر من عشرين سنه فى بيت اهلها لا بتصلى ولا تهتم بعلاقتها مع ربنا وانت هتيحى تغيرها متضحكوش على نفسكم مهما كانت طيبه بس الحاجات دى بتتغرس بدرى وبعد كده صعب جدا
فى حاجات ممكن الطرفين يتنازلوا عنها علشان يقدروا يفتحوا بيت لكن الأخلاق لأ التدين لأ
وعلى فكره مهما كانت جميله هتتعود على جمالها وبعد كام سنه هتضطر تكمل علشان العيال
وده يوم لا ينفع الندم
إحسبوها من أولها
رد: أريد زوجة بشرط أن تكون جميلة !! ..... والتدين هييجى بعد الزواج ..
بارك الله فى المشاركين من الإخوة والأخوات
لى فقط استطراد على كلام الأخت ( e-mysarah) ... ربنا يعزك اختى الكريمة ... أكيد ما فيش زعل ... وف بعض الأحيان نلجأ لكلامك حتى نعبر عن وجهة نظرنا .. فجزاكم الله خيراً
لكن أختى ....
أنا أتفق مع الأخت حنين .. حين قالت فى مشاركتها أنها لا تحجر على الأخ - وكذلك - على الأخت أن يبحث كلاهما عن الجمال .. وهكذا ... بل أتفق مع معظم مشاركتها - أقصد الفاضلة حنين ..,,
أنا أريد أن أشير إلى شىء خطير جداً ... غفل عنه كثير من المشاركين
وهو بكل وضوح : ( نحن نتكلم يأفاضل ... كما يقال فى المثل المصرى .. ورجلنا بعيده )
أوضح أكثر ,,, وكى يتضح كلامى سامحونى فى الكلام التالى :
نحن لم نجرب كمتدينين حاكية الحب قبل الزواج ( وهو المتعارف عليه فى كثير ٍ من الأحيان بين الشباب والفتيات الغير ملتزمات )
يعنى إحنا لأننا متدينين نبحث أولا ً عن الدين فى الزوج ( تطلق على الذكر والأنثى ) ,,,
لا قدر الله لو أحب الأخ واحدة زميلته فى الشغل أو جارته او قريبته أوووو ... فهذه تكون المشكلة الكبرى ...
كان فيه موضوع لأحد أقربائى فى موضوع (الزواج بحب هذا) وانه يحب إحدى البنات وهى كذلك تبادله نفس الحب .. لكن هتاك عقبات فى طلب يدها من أهلها ... المهم أنا كنت طرف ف الموضوع وكان نفسى الموضوع دا ييتفشكل - لعدة أسباب - ليس هذا مجال سردها
المهم أنا كنت عند قريبى هذا وكنت بتكلم بشدة إنه لازم ييسيب البنت دى وما يفكر فيها وووو ..
فجاة ردت عليا إحدى القريبات وقالت لى :
(( يا محمد إنت بتتكلم كدا عشان إنت مجربتش يعنى أيه قلبك يرتبط بواحدة ...))
وأنا أعتقد أن كثير من زواج الإخوة بغير الأخوات راجع لموضوع الحب والإعجاب هذا بأى بنت عادية سواء زميلة الأخ أو جارته أو قريبته .... وصدق رسول الله - ص- حين قال " القلوب بين إصبعين من أصابع الرحمن ... يقلبهما كيفما شاء " هذا او كما قال ... اللهم صلى وسلم وبارك عليك يا رسول الله
ولأنى بحب أكون واقعى ومتزن فى الحكم على شىء ... بصراحة ردها عامللى وقفة مع نفسى ... قلت معقولة لو أنا ملتزم كدا ,,, وحاطتت فى بالى طبعاً إن زوجتى من الأخوات ... وقدر الله وأعجبت بفتاة عادية أن أرتبط بها هكذا ... وأنسى قصة زواج الأخوات دى ...