المساعد الشخصي الرقمي

مشاهدة النسخة كاملة : ولا حد سأل عليه ولا حد عبرنى ......


e-mysarah
28-01-2012, 09:25 AM
ولا حد عبرنى ولا سأل على
على العموم اللى عايز يسأل على أنا بخير
ولو كنتوا ناسيين أحب أفكركم إنى أنا الحمد لله رجعت تانى أناكف فيكم
هتروحوا منى فين ياحلويين
جمعنا الله وإياكم على الطاعه وبارك الله فى أعماركم وزادكم عزا
أفتقد روح المنتدى والأخوه وأشعر أن المنتدى فيه شئ روتينى زى إمضة الحكومهالناس بتدخل علشان تتحسب المشاركه
عايزين مواضيع كده تخلى كل الأعضاء يمسكوا فى بعض وشويه يكونوا محضر خير وشويه يولعوها وحبه ياخدوا على خاطرهم وشويه يزعلوا الإداره والإداره تفصلهم وإحنا نتعاطف معاهم حبة حبشتكنات كده وياسلام لو كان موضوع من المواضيع المختلف عليها علشان اللى يعارضنى أناوله فى وشه تعليق يظبط له الضغط
أين روح المنتدى ؟؟؟؟؟؟ حد يدور معايا ياجماعه ولا أخرج أدور فى حته تانيه
وحشتونى كلكم ربنا مايحرمنى منكم ولا يحرم المنتدى من دخلتكم علينا بس لو سمحتوا مش بإيديكوا فاضيه لحسن المنتدى بقى مهوى وفى مواضيع لامؤاخذه بايته
كل واحد يجيب معاه موضعين تلاته ننشط يهم إيمانا ومخنا بالمره
آه إحقاقا للحق فى مشرفه بنت حلال سألت عليه وبعتت لى رساله بس إظاهر وصلتنى الرساله غلط لأنها إختفت تانى واعتقد إنها ندمت لأنها سألت عليه...... الكلام إلك ياجاره وعلى العموم متشكرين ياستى
أما باقى الأعضاء والمشرفين أنا مش هاعتب عليكم بس أنا بشيل فى نفسى واسكت وربنا يسامحكم كسرتوا بخاطرى ومش لاقيه جبس يكفيه
كفايه كلام لحسن صدعتكوا وكمان فى مشرفين مبيحبوش اللغه العاميه وهيزعلوا منى وكمان فى حبة أعضاء دمى تقيل على قلبهم أرجوا منهم ميقروش الموضوع ده ويعملوا نفسهم ناسيين
بس بقه كفايه ......

المراقب العام
28-01-2012, 08:30 PM
عودا حميدا أختنا الفاضلة

نظرا لظروف نقل سيرفر المنتدى لسيرفر افضل فالتواصل البريدي متعطل مؤقتا .. فنعتذر منكم على عدم التواصل مع اعضائنا الافاضل .. ولكن هذا رغما عنا ..

حضرتك صاحبة المنتدى اختي الفاضلة .. نورت دارك مرة ثانية

حامل المسك
28-01-2012, 09:37 PM
عذرا أختى
فالدنيا بلا شك تغرينا وتغريكم
ولكن الطيبين دائما فى القلوب
نحبهم فى الله
ونرجو الله ان يرزقنا واياهم الجنة
عودة حميدة وأن شاء الله تعود روح المنتدى بفضل مجهوداتك
وجميع الاخوة بأذن الله

طبيبة الاقصى المصرية
28-01-2012, 10:38 PM
السلام عليكم اختى اهلا بيكى بس ممكن سؤال ما فيش علبة دردشة بالمنتدى ؟

e-mysarah
05-02-2012, 08:16 AM
لسلام عليكم
بوركتم جميعا وحفظكم الله للإسلام وجمعنا الله على الطاعات دائما